(1) La provinzia autonoma de Balsan istituësc la fondaziun “Vital”, sciöche porsona iuridica de dërt privat.
(2) Chësta fondaziun destriga sües ativitês tl raiun dla Provinzia autonoma de Balsan y ciafa la personalité iuridica se scrion ite tl register provinzial dles porsones iuridiches.
(3) La fondaziun aladô dl coma 1 à le fin de promöie tl ćiamp dla promoziun dla sanité, n stil de vita sann dla popolaziun dla Provinzia de Balsan. Por arjunje chësc fin sostëgnera, planifichëia y destriga proieć inovatifs aladô dles racomanaziuns dl’Organisaziun dla sanité, dla legislaziun nazionala y provinziala tla materia de sanité y dl sorvisc sozial, dl Plann sanitar provinzial, sciöch’inće söla basa dles diretives dades dant dala Provinzia.
(4) La Junta provinziala aprovëia le statut dla fondaziun aladô dl coma 1, olach’al vëgn danter l’ater inće regolè i organns y le funzionamënt, sciöch’inće les mudaziuns dl statut.
(5) Le capital dla fondaziun vëgn stabilì sön 60.000 euro. I contribuć a pëis dl bilanz provinzial por l’aministraziun y la gestiun dla fondaziun vëgn stabilis cun la lege finanziara anuala. La Junta provinziala é autorisada de mëte debann a desposiziun ala fondaziun, locai sciöch’inće l’aredamënt y i aparać.5)6)
L’art. 4/ter é gnü metü ite dal art. 16 dla L. P. di 18 de novëmber 2005, nr. 10.
L'art. 4/ter, coma 5, é gnü sostituì insciö dal art. 43, coma 1, dla L.P. di 9 d’aurì dl 2009, nr. 1.