(1) Tl ambit teritorial de vigni comprensore sanitar vëgnel metü sö la Conferënza di presidënć dles comunitês comprensoriales, metüda adöm dai presidënć dles comunitês y dal Ombolt dl comun de Balsan por le Comprensore de Balsan o da sü delegà.
La Conferënza, por acontentè les esigënzes sozio-sanitares dla popolaziun te vigni comprensore sanitar, contribuësc ala definiziun di planns programatifs dl svilup sozio-sanitar de interès particolar tl comprensore sanitar, tignin cunt inće di sorvisc soziai. Ara ti presentëia les valutaziuns y les propostes al Diretur dl comprensore sanitar sciöch’inće al Diretur general. Por chësc fin ne ti mëna le Diretur dl comprensore ala Conferënza nia ma le plann general trienal dl’aziënda, le program operatif anual y la relaziun anuala sön la situaziun d’atuaziun dla programaziun y sön la gestiun economica-finanziara dl’aziënda, mo inće la documentaziun sura proieć eventuai o scomenciadies de mioramënt di sorvisc sanitars tl teritore o di ospedai tl comprensore sanitar revardënt.
(2) Sc’al é tl ambit teritorial de n comprensore sanitar na comunité comprensionala sóra, spo vëgnel destrighé les funziuns aladô dl coma 1 dal dirigënt de chësta comunité.
(3) Sce tl eserzize dles funziuns aladô dl coma 1 él i interesc de deplü comprensori sanitars, vëgn chëstes funziuns destrigades da n rapresentant nominé dal Consëi di comuns. Les valutaziuns y les propostes ti vëgn presentades al Diretur general dl’Aziënda sanitara. 36)
