c') Lege Provinziala di 5 de merz dl 2001, n. 71)

(1) Tl’Aziënda sanitara vëgnel istituì n Consëi di sanitars metü adöm dal Diretur sanitar, sciöche presidënt, y dai mëmbri eletifs seghënć:

1. 13 rapresentanć dl personal medich aziendal, 7 de chisc tl comprensore sanitar de Balsan, dui tl comprensore sanitar de Maran, dui tl comprensore sanitar de Porsenù y dui tl comprensore sanitar de Bornech; Por vigni comprensore sanitar mëssel gnì lité n diretur de na strotöra complessa;34)
2. dui rapresentanć medicai de medejina generala;
3. n rapresentant di pediatrics da lité lëdi;
4. n rapresentant medich spezialisé convenzionè;
5. n rapresentant dl personal medich dai tiers;
6. dui rapresentanć dl personal dirigënt sanitar nia medi;
7. n farmazist;
8. cater rapresentanć di medi di tiers;
9. dui rapresentanć dl personal dirigënt sanitar nia medi;
10. n farmazist;
11. cater rapresentanć dl personal infermieristich, un de chisc sciöche rapresentant dla dirigënza tecnica-assistenziala;
12. trëi rapresentanć dl personal tecnich-sanitar, reabilitatif y dla prevenziun.

(2) Ales incuntades dl Consëi di sanitars partezipëia sciöche auditur, n mede de profesciun lëdia en rapresentanza dles strotöres sanitares privates cun chëres ch’al é gnü stlüt jö convenziuns.

(3) La Junta provinziala stabilësc, do avëi aldì les organisaziuns sindacales, i criters che reverda les modalitês de litaziun.

(4) Le Consëi di sanitars é n organn intern dl’Aziënda sanitara y döra trëi agn. Al destriga funziuns de consulënza tecnica-sanitara y ti presentëia al Diretur general n arat sura dötes les ativitês de assistënza sanitara y di ordinamëć sura l’organisaziun y le funzionamënt dl’Aziënda sanitara. La Junta provinziala po stabilì d’atri ćiamps da ti assegné al Consëi di sanitars. I arać vëgn odüs sciöche positifs sc’ai ne vëgn nia formulà anter 15 dé dala domanda. Le Diretur general po damanè arać sura d’atri argomënć, cun le consëns dles organisaziuns sindacales.35)