(1) Le coleghium di ejamindaus di cunć é metü adöm da trëi a cin mëmbri, nominà dala Junta provinziala y chiris fora danter i ejaminadus contabli scrić ite tl register preodü dales normes varëntes. La composiziun mëss corespogne al proporz di trëi grups linguistics tla Provinzia, che resultëia dala ultima cumpëda generala dla popolaziun.24)
(2)Le coleghium resta tl’inćiaria por cin agn; i mëmbri po gnì reconfermà. Ai mëmbri dl coleghium ti spétel na indenisaziun mensila brutto y la retüda dles spëises de iade, tla mosöra stabilida dala Junta provinziala.
(3) Le presidënt vëgn lité dal coleghium instës. Por la competënza dezijionala él nezesciar che altamo dui mëmbri sides presënć. Por eserzité les funziuns che é te süa competënza, po i mëmbri dl coleghium ćiarè ite te düć i ordinamënć aministratifs y contabli y damanè le Diretur general informaziuns sura düć i afars che reverda l’ativité aministrativa.
(4) Le coleghium se reunësc almanco un n iade al mëis tla sënta aministrativa dl comprensore sanitar. I ejaminadus po, te vigni momënt, inće individualmënter, eseguì ispeziuns y controi.
(5)Le coleghium ćiara sura l’osservanza dles leges, verifichëia la regolarité dla contabilité y la tignida di registri de contabilité sciöch’inće la concordanza dl bilanz d’eserzize cun la gestiun dla contabilité. Al verifichëia le bilanz preventif y scrì na relaziun aposta cun sües osservaziuns sc’al é le caje. Le coleghium referësc implü almanco n iade al ann o sön ghiranza dla Junta provinziala i resultać di controi eseguis y denunziëia imediatamënter i fać sc’al vëgn cospetè iregolaritês graves; al ti presentëia regolarmënter o a vigni moda almanco vigni sies mëisc, na relaziun sura l’ativité dl’Aziënda sanitara ala Conferënza di presidënć dles comunitês raionales sciöch’inće al rapresentant dl Consëi di comuns aladô dl articul 20, coma 3.24)