c') Lege Provinziala di 5 de merz dl 2001, n. 71)

(1) L’Aziënda sanitara é partida sö internamënter te cater comprensori sanitars che costituësc les articolaziuns periferiches y che à inom insciö:

1. Comprensore sanitar de Balsan;
2. Comprensore sanitar de Porsenù;
3. Comprensore sanitar de Maran;
4. Comprensore sanitar de Bornech;

(2) La Junta provinziala definësc la competënza teritoriala di comprensori sanitars. I comprensori é partis sö te distreć aladô dles confluënzes geografiches stabilides dales desposiziuns varëntes.

(3) Ai comprensori sanitars ti vëgnel assegné les funziuns che po gnì gestides damì a n livel local. Chëstes funziuns vëgn individuades dal regolamënt aziendal.

(4) Vigni comprensore sanitar, zënza ti tó les competënzes al Diretur general, mëss respetè la programaziun provinziala, l’ordinamënt aziendal y la programaziun strategica aziendala. Le comprensore sanitar, anter chisc limi:

1. desponn de autonomia tecnica-gestionala y economica-finanziara,
2. mëss presentè le decunt analitich, cun contabilité despartida tl cheder bilanz dl’Aziënda sanitara,
3. inviëia ia les prozedöres y i ać por cherié i raporć iuridics cun terzi che à relevanza comprensoriala;
4. fistidiëia por la gestiun direta di raporć revardënć anuzan i faturs produtifs y les ressurses.21)