i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) Sce la viulazion dla despusizions de chësta lege ne reprejentea nia n reat, vëniel aplicà chësta straufonghes:

1. l traspurtadëur che ne respetan nia la despusizions nunziedes tl articul 14, coma 3, pustom b), ne ti manda nia al patron dl refudam tl tëmp scrit dant la cuarta copia dl formuler d’identificazion dl refudam contrasotscrita, vën straufà cun na sanzion aministrativa da 50 euro a 150 euro;
   
2. l patron che contra la despusizions nunziedes tl articul 14, coma 3, pustom b) ne ti comunichea nia al ufize gestion dl refudam che l n’à nia giapà la cuarta copia dl formuler d’identificazion dl refudam contrasotscrita o che ne tën nia su la cuarta copia contrasotscita, vën straufà cun na sanzion aministrativa pecuniera da 50 a 150 euro;
   
3. chi che ne respetea nia la pruibizion d’arbanduné refudam aldò dl articul 16, coma 1 vën straufà cun chësta sanzions aministratives:
   
   1. da 250,00 euro a 2.500,00 euro, sce l se trata de arbandon de refudam;
      
   2. da 250,00 euro a 750,00 euro, sce l se trata de veiculi che ne vën nia plu adurvei;
      
   3. da 250,00 euro a 750,00 euro per meter cubich, sce l se trata d’arbandon de refudam de demolizion. 24)
      
4. chi che ne respetea nia la pruibizion de brujé refudam aldò dl articul 16, coma 2 vën straufà cun na sanzion aministrativa pecuniera da 500 a 5.000 euro;
   
5. chi che ne tën nia l register dl refudam aldò dl articul 17 o che ne l tën nia aldò dla manieres scrites dant dala Jonta provinziela vën straufà cun chësta sanzions aministratives pecunieres:
   
   1. da 500 euro a 1.500 euro, sce l se trata de produtëures o detenienc;
      
   2. da 1.500 euro a 4.500 euro, sce l se trata de d’autri sogec nunziei tl articul 17; 25)
      
6. f) chi che ne fej nia la detlarazion anuela dl refudam nunzieda tl articul 18 o che la fej te na maniera nia cumpleta o nia sciche l toca vën straufà cun chësta sanzions aministratives pecunieres:
   
   1. da 1.000 euro a 3.000, sce l se trata de produtëures y detenienc;
      
   2. da 2.000 euro a 6.000 euro, sce l se trata de d’autri sogec aldò dl articul 18;
      
7. sce la detlarazion anuela dl refudam vën fata tl lim de tëmp dl sessantejim di dala destumënza dl tiermul stabilì aldò dla lege dl 25 de jené 1994, nr. 70 vëniel aplicà na straufonga aministrativa da 200 euro a 600 euro;
   
8. chi che trasporta refudam zënza l formuler d’identificazion dl refudam nunzià tl articul 19 o che ne dà nia sëura i dac udui danora dala Jonta provinziela vën straufà cun chësta sanzions aministratives pecunieres:
   
   1. da 500 euro a 1.500 euro, sce l se trata de produtëures y detenienc;
      
   2. da 1.500 euro a 4.500 euro, sce l se trata de traspurtadëures y destinateres; 25)26)
      
9. sce la ndicazions tl register dl refudam, tla detlarazion anuela dl refudam y tl formuler de identificazion dl refudam aldò di pustoms e), f) y h) ne ie nia cumpletes o nia fates sciche l toca, ma i dac repurtei tl register dl refudam, tla detlarazion anuela dl refudam y tl formuler de identificazion lascia pro de fé na recostruzion dla nfurmazions che ie de bujën, vëniel aplicà na straufonga aministrativa pecuniera da 100 euro a 300 euro;
   
10. tl cajo de fai de forma che vën dant de plu iedesc tla cumpilazion de de plu formuleres de identificazion vëniel aplicà la straufonga aministrativa nunzieda pra l pustom h) o chëla nunzieda pra l pustom i); l vën aplicà la straufonga ududa danora per n sëul formuler, che possa unì avaneda nchin al tripl;
    
11. chi che ne dà nia ora la cunfermazion scrita nunzieda tl articul 19, coma 3, pustom b) vën straufà cun na sanzion aministrativa pecuniera da 50 euro a 150 euro;
    
12. ti caji che l ne vën nia tenì su per i tëmps fissei dala Jonta provinziela la cunfermazion scrita nunzieda tl articul 19, coma 3, pustom b) vëniel aplicà la straufonga aministrativa pecuniera da 50 euro a 150 euro;
    
13. tl cajo che l ne vën nia respetà la despusizions n cont dla materia dl mpacamënt reguleda tl titul II dla cuarta pert dl decret legislatif dl 3 d’auril 2006, nr. 152, y tla despusizions de atuazion relatives, vëniel aplicà la straufonghes aministratives pecunieres aldò dl articul 261 dl decret legislatif dl 3 d’auril 2006, nr. 152;
    
14. chi che ne respetea nia i pruvedimënc nunziei tl articul 41, coma 3 vën straufà cun na sanzion aministrativa pecuniera da 500 euro a 1.500 euro.
    

(1/bis) Comunicazions nia fates o comunicazions de uni sort tla materia de gestion dl refudam che ne ie nia cumpletes o che ie unides presentedes delà dl tiermul ne cumporta degun danns iriversibli; per chësta viulazions vëniel aplicà la normes pruzedureles nunziedes tl articul 4/bis dla L.P. di 7 de jené 1977, n. 9. 27)

(2) I chemuns ie cumpetënc per l’aplicazion dla straufonghes aministratives per cie che reverda l refudam de nridlamënt. Per l smaltimënt ilegal de refudam vëiji danora straufonghes aministratives da almanco 50 euro a al plu 1.000 euro y per l ne avëi nia respetà si regulamënc tl raion dl refudam, straufonghes aministratives dal 10 percënt al 100 percënt dla soma de debit. L amudlé dla straufonghes per la viulazions singules vën fissà cun i regulamënc cumenei curespundënc.