m) Lege Provinziala di 15 de novëmber dl 2002, n. 141)
Normes por la formaziun de basa, de spezialisaziun y permanënta sciöche inće d’atres normes tl ćiamp sanitar

(1) La Junta provinziala determinëia, do avëi aldì l’ordinn di doturs y di doturs dai dënz:

1. le program, l'articolaziun y i obietifs dla formaziun a tëmp plëgn o a tëmp parzial;  19)
   
2. les metodes d’insegnamënt y d’aprendimënt;
   
3. i programs dles ativitês teoretiches y de chëres pratiches;
   
4. la nominaziun di coordinadus dles ativitês teoretiches y de chëres pratiches sön proposta dl comitê scientifich preodü dal regolamënt d’esecuziun a chësta lege, y inće le paiamënt che ti speta;
   
5. i criters por l’acreditamënt dles strotöres de formaziun;
   
6. la lîta di ospedai, di ambulatori, dles strotöres teritoriales y di departimënć che vëgn acredità sciöche strotöres de formaziun, sön proposta dl comitê scientifich nominé tla lëtra d).