3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) La normes de atuazion de chësc Statut unirà emanedes cun decrec legislatives, do avëi audì na cumiscion paritetica metuda adum da dodesc cumëmbri, de chëi che sies ie n reprejentanza dl Stat, doi dl Cunsëi regiunel, doi dl Cunsëi provinziel de Trënt y doi de chël de Bulsan. Trëi cumponënc muessa fé pert dla grupa linguistica tudëscia o ladina. 101)

(2) Tla cumiscion nunzieda tl coma da dant vëniel istituì na cumiscion speziela per la normes de atuazion relatives ala materies atribuides ala cumpetënza dla Provinzia de Bulsan, metuda adum da sies cumëmbri, de chëi che trëi ie n reprejentanza dl Stat y trëi dla Provinzia. Un di cumëmbri n reprejentanza dl Stat muessa fé pert dla grupa linguistica tudëscia o ladina; un de chëi n reprejentanza dla provinzia muessa fé pert dla grupa linguistica taliana. La maiuranza di cunselieres provinziei dla grupa linguistica tudëscia o taliana possa renunzië ala desiniazion de n si reprejentant a bën de n reprejentant che fej pert dla grupa linguistica ladina. 102)