(1) Tl caje de tomanza dal'inciaria, demisciuns, impedimënt permanënt o mort dl Presidënt dla Provinzia, vëgnel lité la Junta provinziala nöia aladô di capitui da denant. Al vëgn ince lité danü le presidënt dla Provinzia y dla Junta provinziala tl caje de aprovaziun dla moziun de desfidënza preodüda dal articul 73. Cina che al ne vëgn nia lité la Junta provinziala nöia, romagn la Junta provinziala da denant en ciaria por l'aministraziun ordinara y por l'adoziun di ac che ne pó nia gní sburlá y de prescia. Les funziuns de presidënt dla Provinzia vëgn surantutes dal pröm vizepresidënt.
