(1) Al pó gní ghiré dal contratant dl sorvisc che al garantësces i sorvisc de trasport che vá debojëgn:
- tl caje de calamités naturales o d'atri evënc ezezionai nia da preodëi;
- por provedimënc de sconanza dl ambiënt straordinars y de prescia ti raiuns caraterisá da n gran incuinamënt dl'aria.
(2) Le contratant á le dërt de curida dles spëises en relaziun ai cosć implü che vëgn da chësc.
(3) Tl caje d’interuziun dl sorvisc o de prigo d’interuziun iminënt pól gní:
- assegné diretamënter n contrat de sorvisc publich;
- arlungé a öna n contrat de sorvisc publich;
- scrit dant le dovëi ai contratants da forní certi sorvisc de trasport publich.
(3/bis) Les conzesciuns por le trasport publich local cun bus che ê bele ai 23 de forá dl 2020, cun lapró ince les conzesciuns arlungiades, pó gní prorogades, por gauja dles faziuns che vëgn dal'emergënza da COVID-19, de alplü sis mëisc do la fin dla detlaraziun dl'emergënza. Cina al termo preodü tla frasa dessura, restel ince impé la poscibilité da despone aladô dla lëtra a) dl coma 3. 10)
(3/ter) L’articul 22 dla lege provinziala di 16 d'aurí dl 2020, n. 3, ne vëgn nia apliché ai contrac che á sciöche oget le dovëi da garantí i sorvisc de trasport che vá debojëgn. 11)
(4) Ti caji preodüs dal coma 3 á i contrac na dorada de alplü dui agn.
(5) Sce al n'é nia gnü atué les diretives y i programs d’intervënt por regolamenté le trafich, por sostigní la zircolaziun y l’adoranza di mesi de trasport publics, pól gní desponü la mudaziun o la sospenjiun dl sorvisc tl cheder dl raiun interessé.
L'art. 23, coma 3/bis é gnü injunté dal art. 36, coma 1 dla l.p. di 19 d’ agost dl 2020, n. 9 y dedô él gnü sostituí insciö dal art. 9, coma 1 dla l.p. di 17 de merz dl 2021, n. 3.
L'art. 23, coma 3/ter é gnü injunté dal art. 36, coma 1 dla l.p. di 19 d'agost dl 2020, n. 9.