(1) I comesc 1 y 3 dl art. 4 dla lege provinziala di 23 d'aurì dl 1992, n. 10, y mudaziuns suandëntes, vëgn sostituis insciö:
"1. La Direziun generala se crüzia dles chestiuns organisatives danter i departimënć, dl coordinamënt general dl'aziun aministrativa provinziala y di raporć cun la Curt di cunć. Ala direziun generala ti vëgnel atribuì les repartiziuns Presidënza y Avocatöra dla Provinzia, sciöche inće Europa y d’atres repartiziuns che vëgn stabilides cun le decret aladô dl articul 5, coma 2. Por ći che reverda la rapresentanza dla Provinzia dan signoria, depënn l'Avocatöra dla Provinzia dal Presidënt dla Junta provinziala a livel funzional.
3. Le diretur general eserzitëia les funziuns de secretêr dla Junta provinziala y se crüzia dla zertificaziun di contrać olache l'aministraziun provinziala é öna dles perts y dl'autentificaziun di ać privać y di ać unilaterai tl interès dl'aministraziun provinziala. Al eserzitëia inće les funziuns de diretur de departimënt ti confrunć dles repartiziuns preodüdes dal coma 1 y de diretur de repartiziun di ofizi o raiuns eventualmënter metüs sö pro la Direziun generala.”
(2) I punć 2 y 8 dl’injunta A dla lege provinziala di 23 d'aurì dl 1992, n. 10, y mudaziuns suandëntes, vëgn abrogà. Les funziuns dades dant dailò vëgn organisades danü tl cheder dla Direziun generala.