b) Lege Provinziala di 16 de novëmber dl 2007, n. 111)
Ordinamënt di sorvisc

(1) Aladô de chësta lege capëscion cun sorvisc na prestaziun che n'é nia por la produziun de n bëgn material y che vëgn de regola fata sön paiamënt. La prestaziun de sorvisc ne pó nia gní imagazinada, conservada o trasportada, deache le momënt dla produziun y chël dl consum vëgn a s'al dé tl medemo tëmp.

(2) Cun regolamënt d'esecuziun pól gní odü danfora condiziuns profescionales spezifiches por eserzité ativités de sorvisc determinades, tl respet de normes speziales eventuales.

(1) Chëstes ativités vëgn conscidrades ativités de sorvisc :

1. ativités bancares, finanziares y assiguratives;
   
2. posta y telecomunicaziuns;
   
3. trasporc y imagazinamënt;
   
4. ativités imobiliares y d'imprëst;
   
5. informatica, inrescida y svilup;
   
6. sorvisc ales aziëndes;
   
7. sorvisc ala porsona;
   
8. sorvisc che pó gní destiné ala venüda tl setur dla formaziun;
   
9. sanité y d'atri sorvisc soziai che pó gní destiná ala venüda;
   
10. d'atri sorvisc che pó gní destiná ala venüda.
    

(2) Les desposiziuns de chësta lege ne vëgn nia aplicades a chëstes ativités:

1. comerz y sorvisc diretamënter coliá a chësc;
   
2. profesciuns lëdies;
   
3. ativités di ostis y eserzizi publics;
   
4. ativités artistiches;
   
5. aministraziun publica;
   
6. d'atri sorvisc che ne pó nia gní destiná ala venüda.
   

(3) Cun deliberaziun dla Junta provinziala, da publiché tl Boletin Ofizial dla Regiun, vëgn les ativités de sorvisc, tignin cunt dla classificaziun dles ativités economiches Ateco dl Istitut nazional de statistica y dla classificaziun preodüda dala Ciamena dl comerz, dl'industria, dl artejanat y dl'agricoltöra de Balsan, partides sö insciö:

1. ativités de sorvisc tl sëns strënt;
   
2. ativités de sorvisc classificades sciöche artejanales o sciöche industriales.
   

(1) L'iscriziun dles aziëndes di sorvisc tl Register dl comerz dla Ciamena dl comerz, dl'industria, dl artejanat y dl'agricoltöra de Balsan vëgn a s'al dé tres l'atribuziun dl codesc Ateco corespognënt dl Istitut nazional de statistica.

(1) Chi che eserzitëia n'ativité de sorvisc zënza avëi les condiziuns profescionales che ó ester vëgn straufé cun na sanziun aministrativa che vá da 600 euro a 3.600 euro.

(2) La competënza por l'aplicaziun dles sanziuns aministratives preodüdes dal coma 1 cun lapró les entrades che vëgn da chëstes ti vëgn delegada ala Ciamena dl comerz, dl'industria, dl artejanat y dl'agricoltöra de Balsan.

Chësta lege gnará publicada tl Boletin Ofizial dla Regiun. Vignun a chël che al ti speta mëss la respeté y la fá respeté sciöche lege dla Provinzia.