(1) Vigni ann ti dà i comuns ala Provinzia n import por la curida parziala dles spëises por la realisaziun de rëis de canalisaziun y sarenares por les eghes pazes comunales. La fondamënta por calcolè chësc import é les spëises che la Provinzia à albü ti ultimi 15 agn por realisé chisc implanć. Por comuns zënza sarenares adatades vëgn chësc import alzè por tó ite inće na soma che corespogn al cost mesan por la gestiun dles sarenares por les eghes pazes comunales en funziun.
(2) I criters y les condiziuns por calcolè y assegné l´import aladô dl coma 1 vëgn determinà dala Junta provinziala sides por les desćiaries ziviles che por chëres industriales. L´import anual ne po nia ester plü bas dl 1 por cënt y gnanca plü alt dl 2 por cënt di cosć complessifs aladô dl coma 1.
(3) L´import che vigni comun é debit vëgn determiné ann por ann dala Junta provinziala sön la basa de criters y condiziuns aladô dl coma 2.
(4) Les somes paiades cun paiamënt bancar é destinades al finanziamënt dles rëis de canalisaziun y dles sarenares por les eghes pazes comunales.
(5) Sce le comun ne paia nia la soma tl tëmp preodü spo vëgn l´import trat jö l´ann do dala terza rata di contribuć ai comuns aladô dl articul 4 dla lege provinziala dl 14 de forà 1992, n. 6.
