(1) I ënc publics dla Provinzia ndividuei dala Jonta provinziela, che ti mpartësc la istruzions curespundëntes, usservea n cont dl bilanz y dla contabltà, la normes de chësta lege tan inant che les ie aplicables. Per chisc ënc curespuend l bilanz de previjion anuel cun l plann de gestion nunzià tl articul 12. La Jonta provinziela stabilësc, ënghe n desvieda dala despusizions de lege o de statut curespundëntes, ciun ënc provinziei y ciuna aziendes provinzieles che, aldò de si atività aziendela prevalënta, che daussa adoté la contabltà economich-patrimuniela mpede la contabltà finanziera.
(2) I bilanc de previjion di ënc nunziei pra l coma 1 ie deliberei uni ann dai organns y ti tëmp udui danora dala leges de urdinamënt respetives y ie esecutifs do si apurvazion da pert dla Jonta provinziela. I rendiconc di ënc ie da mandé ala Jonta provinziela per l’apurvazion nchin ai 31 de merz dl ann do chël de referimënt.
(3) L ie de ublianza per i ënc nunziei tl coma 1, sce i giaudësc de erogazions a cëria dl bilanz provinziel, che i adatëie la previjions de ntreda curespundëntes di bilanc singui al amudlé dla asseniazions cumandedes a si bën dala Provinzia.
(4) La Jonta provinziela stabilësc ciun ënc dla Provinzia che muessa ënghe prejenté l bilanz plurianuel.
(5) Al bilanz de previjion dla Provinzia vëniel njuntà na lista di ënc nunziei pra l coma 1, cun la ndicazion per uniun de chisc dl amudlé dl’erogazion a cëria dl bilanz dla Provinzia. Chësta somes possa mudé ti lims dl’unità previjionela de basa curespundënta (UPB). Tla njonta al rendicont generel dla Provinzia iel da presenté n rendicont reassuntif dla spëises di ënc. 52)