a) Lege Provinziala di 29 de jenà dl 2002, n. 11)
Normes tla materia de bilanz y de contabltà dlaProvinzia autonoma de Bulsan

(1) L cont generel dl patrimmone ndichea, sun la basa di valores dl nventar n la data de stlujura dl eserzize a chël che l cont fej referimënt, la cunsistënza:

1. dl’ativiteies y passiviteies finanzieres;
   
2. di bëns muvibli y imuvibli;
   
3. de uni autra atività y passività cun la mudazions curespundëntes.
   

(2) L cont dl patrimone cuntën, oradechël, la desmustrazion di ponc de cuncurdanza danter la contabltà dl bilanz y chëla dl patrimone.

(3) Al cont dl patrimone iel njuntà na documentazion de ressumé per categories de bëns muvibli y de bëns imuvibli dla Provinzia n la data de stlujura dl eserzize, a chël che l cont fej referimënt.

(4) La documentazion de ressumé dla situazion patrimuniela ala fin dl eserzize cun la ndicazion dla mudazions fates ti conc dl atif y dl passif, di resultac defrënziei danter duta l’ativiteies y la passiviteies y danter l miuramënt o l piuramënt patrimuniel netto, vën sotscrit dal Presidënt dla Provinzia y dal diretëur dla Repartizion Finanzes y bilanz.