a) Lege Provinziala di 29 de jenà dl 2002, n. 11)
Normes tla materia de bilanz y de contabltà dlaProvinzia autonoma de Bulsan

(1) L cont finanzier mostra sù, n cont dla tlassificazion dl bilanz preventif y dl plann de gestion aldò dl articul 12, per uni unità de previjion y per uni capitul de ntreda:

1. la previjions definitives de cumpetënza;
   
2. l amudlé dla restanzes atives azertedes tl cont finanzier dl eserzize da dant;
   
3. l amudlé dla ntredes scudides y paiedes ite sun l cont de cumpetënza;
   
4. l amudlé dla ntredes scudides y paiedes ite sun l cont dla restanzes;
   
5. l amudlé cumplessif dla ntredes scudides y paiedes ite tl eserzize;
   
6. l amudlé dla ntredes azertedes y dla ntredes reazertedes tl eserzize;
   
7. la majera o mëndra ntredes azertedes ti cunfronc dla previjions de cumpetënza o ti cunfronc dl amudlé dla restanzes atives;
   
8. l amudlé dla restanzes atives che se à furmà ntan l eserzize;
   
9. l amudlé dla restanzes atives che se porta pro dai eserzizies da dant y che ie da repurté tl eserzize nuef;
   
10. l amudlé cumplessif dla restanzes atives ala fin dl eserzize.
    

(2) L cont finanzier mostra sù oradechël, n cont dla tlassificazion dl bilanz preventif y dl plann de gestion aldò dl articul 12, per uni unità de previjion y per uni capitul de spëisa:

1. la previjions definitives de cumpetënza;
   
2. l amudlé dla restanzes passives azertedes tl cont finanzier dl eserzize da dant;
   
3. l amudlé di paiamënc fac sun l cont de cumpetënza;
   
4. l amudlé di paiamënc fac sun l cont dla restanzes;
   
5. l amudlé cumplessif di paiamënc fac tl eserzize;
   
6. l amudlé di mpënies sëurantëuc y di mpënies reazertei tl eserzize;
   
7. i sparanzies ti cunfronc di stanziamënc de cumpetënza o dl amudlé dla restanzes passives;
   
8. l amudlé dla restanzes passives che se à furmà ntan l eserzize;
   
9. l amudlé dla restanzes passives che se porta pro dai eserzizies da dant y che ie da repurté tl eserzize nuef;
   
10. l amudlé cumplessif dla restanzes passives ala fin dl eserzize.
    

(3) Na documentazion njunteda al cont finanzier ndichea, per uni capitul, la mudazions fates ai stanziamënc dl bilanz ntan l eserzize.

(4) L cont finanzier muessa lascé pro, sun la basa dla tlassificazion per funzions-mires y per uniteies de previjion de basa, la valutazion di resultac de ntreda y de spëisa n cont di ntervënc de setor dla Provinzia.

(5) L’aministrazion dla Provinzia tòl mesures urganisatives adatedes a analisé y valuté i cosć y i resultac dl’atività aministrativa.