(1) Ora per chël che ie udù danora dal articul 54 per i servijes de economat y la modaliteies defrëntes de paiamënt ududes danora dala leges aldò dl articul 49, coma 5, daussa l paiamënt de uni sort de spëisa mé unì fat dal tesorier dla Provinzia sun la basa di tituli de spëisa udui danora dal coma 4 dl medemo articul 49.
(2) I tituli de spëisa daussa mé unì dac ora a bën di creditëures direc, ënghe tl cajo de servijes menei n economia, ora che ti caji preudui dal articul 52 per la gestion di fonds tres funzioneres deleghei.
(3) L paiamënt tres rodli de spëisa fissa possa unì cumandà per la paghes, la pensions, i fic, i servijes de previdënza y i autri paiamënc periodics cun destumënzes determinedes.
(4) L paiamënt nunzià tl coma 3 vën fat dal tesorier dla Provinzia pra la destumënzes y per la rates fissedes tl rodl. L tesorier se cruzia dla comunicazions curespundëntes ala Repartizion Finanzes y bilanz.
(5) Per l paiamënt de spëises de nuzeda, de spëises ublientes curëntes dl’aministrazion provinziela y de uni autra spëisa che ie de bujën per servijes particuleres, sëurantòl l tesorier provinziel sun dumanda spezifica dl diretëur dla Repartizion provinziela Finanzes y bilanz, la ublianza de se cruzië dl paiamënt tl lim de tëmp dla destumënza respetiva dla somes che resultea dala contes de nuzeda o da d’autra documentazion mandeda, nce tres mesuns nfurmatics, dai furnidëures. La Repartizion provinziela Finanzes y bilanz dà ora periodicamënter n mandat de paiamënt per la curidura dla spëises che l tesorier ti à metù n cëria ala Provinzia. L mandat de paiamënt vën permò dat ora do che l Ufize cumpetënt à verificà la curetëza di paiamënc. 43)