(1) La ntreda vën azerteda, canche l’aministrazion provinziela determinea la rejon dl credit dla Provinzia, l’identità dl debitëur y sce la scrij ite coche cumpetënza dl eserzize finanzier l amudlé dl credit che destoma tl lim dl medemo ann.
(2) Per la ntredes che reverda chëutes dla Provinzia, vën l azertamënt fat tenian cont dla rates che destoma tl lim de tëmp dl eserzize.
(3) Per la ntredes che vën dala cumpartezipazion y dala devoluzion de chëutes stateles cun cuota nia variabla vën l azertamënt fat sun la basa dla rededa curespundënta, y per cie che reverda la chëutes cun cuota variabla sun la basa dl’acurdanzes danter l Stat y la Provinzia o sun la basa di pruvedimënc che ie unic tëuc aldò dla normes de atuazion dl Statut.
(4) Per cie che reverda la ntredes che ne vën nia da chëutes vën l azertamënt normalmënter fat sun la basa dla ates, che cuantifichea si amudlé y che autorisea si scudimënt a bën dl eserzize de cumpetënza curespundënt.
(5) N cont dla ntredes da contablteies spezieles vën l azertamënt fat sun la basa dl amudlé di scudimënc, coche nce sun la basa di mpënies sëurantëuc o sun la basa dl dejëujamënt de paiamënc tla pert curespundënta dla spëises.
(6) Te duc i autri caji, te chëi che l mancia ates y documënc preventifs che reverda l credit, vën l azertamënt fat adum cun l scudimënt dla ntredes.
(7) Duta la deliberes y la ates, da chëles che l se porta pro azertamënc de ntreda a bën dl bilanz provinziel, muessa unì mandedes, adum cun la documentazion curespundënta, ala Repartizion Finanzes y bilanz, che, do avëi verificà che l titul de credit y la documentazion sibe sciche l toca, azertea sce la ntreda ie unida scrita ite tl drë capitul dl plann de gestion aplican n sëni de ududa do avëi fat la registrazion.
(8) Uni ata che vën do a chëles nunziedes pra l coma 7, che se referësc a azertamënc bele dejëuc, ti muessa unì comunichedes ala Repartizion Finanzes y bilanz per l’anutazions contables che ie de bujën.