[(1) L assessëur provinziel per la finanzes y l bilanz dà despusizion tres l tesorier de tò sù antizipazions de cassa aldò dla normes sun l servisc tesorier o d’autri istituc bancheres; l amudlé curespundënt reprejentea l lim mascim nchin chël che l daussa unì fat paiamënc tl cajo de defizic de cassa temporeres. L assessëur provinziel per la finanzes cumanda la variazions cunseguentes tla partites de giro. Chësta operazions ne costituësc degun ndebitamënt, davia che les ie finalisedes a superé mancianzes de licuidità dl mumënt y les ie destinedes a spëises per chëles che l ie bele udù danora na curidura de bilanz.]19)20)
(2) L’antizipazions aldò dl coma 1 vën adurvedes prugrescivamënter per i paiamënc che vën depierpul cumandei dala Provinzia, ntan che duta la ntredes scudides ntan l tëmp de nia curidura vën trates jù dala antizipazions curëntes.
(3) L muvimënt dl’antizipazions de cassa muessa resulté tla comunicazions da uni di dl tesorier.
(4) La regulazion contabla di fic passifs eventuei y dla cëries cunliedes limpea, che ie madurìi ntan l eserzize curënt, ie cumandeda dal assessëur provinziel per la finanzes y l bilanz a cëria dla uniteies de previjion de basa aposta.
