(1) For canche l vën fat mudazions dl bilanz de previjion, cumanda l assessëur provinziel per la finanzes y l bilanz nce la mudazions curespundëntes al plann de gestion aldò dl articul 12, n cunformità ala ndicazions dl assessëur cumpetënt per la materia, a na moda che l sibe for garantì la curespundënza danter l stanziamënt de uni unità de previjion de basa y duta la soma di stanziamënc di capituli, te chëi che l’unità de previjion de basa ie partida sù.
(2) Aldò dla modaliteies nunziedes tl coma 1 possel, tl tëmp dl eserzize, unì fat mudazions al plann de gestion, sun pruposta di assessëures cumpetënc, per la istituzion de capituli nueves, per la mudazion dla denuminazion di capituli che ie bele y per storni cumpensatifs de fonds danter capituli de na medema unità de previjion de basa.