(1) La basa per la gestion dla ntredes y dla spëises preududes tl bilanz y la furmazion dl rendicont generel ie l plann de gestion. Chësc documënt, che ne ie nia sometù al’apurvazion dl Cunsëi provinziel, partësc su la uniteies de previjion te capituli. 5)
(2) I capituli ie determinei per la ntredes aldò de si oget curespundënt y per la spëises aldò dl oget y aldò de si cuntenut economich-funzionel. Per uni capitul vëniel dat sëura la despusizions de lege curespundëntes y l codesc d’elaborazion di dac eletronich, acioche l sibe puscibl na retlassificazion funzionela y economica dl bilanz aldò dl plann di conc udù danora per l’armonisazion di documënc de finanza publica.
(3) Uni capitul cuntën mé un n oget de spëisa o de plu ogec cunliei te na maniera strënta tl raion de un n servisc, de una na funzion o de un n medemo program. Te n medemo capitul ne daussel no unì stlut ite spëises che toca pra tituli o categories economiches defrëntes, no spëises che reverda cumpetënzes dla Provinzia nstëssa y no spëises che reverda funzions deleghedes a d’ëila.
(4) Tla scritures de contabltà dl plann de gestion vëniel repurtà, per uni capitul de ntreda o de spëisa, la restanzes atives o passives che resultea pra la stlujura dl eserzize da dant, defrenziedes per eserzize de pruvenienza. 6)
(5) L plann de gestion vën apurvà dala Jonta provinziela do l’apurvazion dla lege de bilanz o dl’autorisazion al eserzize provisore dl bilanz. Cun chësc documënt vën i stanziamënc dla uniteies de previjion dl bilanz asseniei ai zëntri de respunsabltà aministrativa aldò dl articul 11, coma 3.