(1) La leges provinzieles che vëij danora ativiteies o ntervënc de carater permanënt o recurënt determinea normalmënter mé la mires da arjonjer y la pruzedures, renvian ala lege finanziera anuela nunzieda tl articul 22 la determinazion dl’autëza dla spëisa curespundënta.
(2) La pruzedures y i ademplimënc udui danora dala leges nunziedes de sëura che ne cumporta nia la ublianza per la Provinzia de sëurantò mpënies de spëisa aldò dl articul 48, possa unì metui tl vester n basa ala medema leges, ënghe dan la determinazion dl’autëza dla spëisa che ie da fé.
