(1) La leges provinzieles determinea per i pruvedimënc che cumporta la spëises a cëria dl bilanz dla Provinzia, i lims de tëmp, te chëi che i pruvedimënc che ie de bujën, muessa unì ademplìi, la cunseguenzes tl cajo che chisc lims de tëmp ne vënie nia tenìi ite y i caji, te chëi che l alesiramënt possa unì revucà.
(2) Do che l tiermul aldò dl articul 56, coma 2, o l tiermul plu bonorif che ie eventualmënter unit fissà, ie passei via zënza che la spëisa fossa unida paieda ora per gauja dl benefizier dl trasferimënt, dà la Jonta provinziela te uni cajo la despusizion de revuché l alesiramënt. Per rejons grieves y mutivedes possa la Jonta provinziela cunzeder n slungiamënt dl tëmp nchin a mo n ann y do che chësc ann ie passà vën l alesiramënt automaticamënter revucà. 3)
(3) Sce la Jonta provinziela dà la despusizion de revuché cuntribuc o autri alesiramënc bele paiei ora, vën la somes che ie da paië a reter, sce l ne ie nia unì fissà autramënter, avanedes di fic che se à purtà pro dala data dl paiamënt inant.
