(1) La Junta provinziala é autorisada de conzede contribuć, aiüć y sovenziuns por i prestadus publics y privać tl setur sanitar por arjunje o por sostignì i obietifs dl Plann sanitar provinzial sciöch’inće por le sostëgn di proieć de priorité y dles aziuns programades, che corespogn al Plann sanitar.
(1/bis) La Provinzia é inće autorisada da conzede sostëgns finanziars a singoles porsones o a assoziaziuns che laôra tl setur dles donaziuns d’organns, por paié les spëises do le trapiant o espiant de organns, sce al é gnü fat te n ospedal provinzial. Al n’é nia preodü sostëgns tl caje de spëises a ćiaria dl Sorvisc sanitar. La Provinzia é autorisada inće da conzede sostëgns por les spëises de iade y sojornanza de paziënć paraplegics y tetraplegics y de porsones che i acompagnëia eventualmënter ales terapies de reabilitaziun te strotöres statales. 159)
(2) La Junta provinziala é autorisada de conzede ales assoziaziuns de aiüt convenzionades n contribut straordinar por curì i defizić dl ann 2001, do ch’al ti é gnü presentè n plann de reecuiliber finanziar che mëss gnì aprovè dala Junta provinziala.160)
