(1) L’IPFS po autorisé i assegnatars a aministré autonomamënter les strotöres.
(2) L’autorisaziun vëgn conzedüda sce almanco le 60 porcënt di afitadins dla strotöra é a öna y ara à na faziun liënta ti confrunć de düć i afitadins.
(3) L’autogestiun fej referimënt ai sorvisc dà dant tl articul 114.
(4) Les aministraziuns autonomes vëgn disciplinades cun n regolamënt aposta che l’IPFS mëss aprovè.
(5) I afitadins dles strotöres olache la gestiun autonoma é gnüda autorisada mëss paié l’afit al IPFS; da chësc pol gnì trat jö na cuota por les spëises generales y d’aministraziun che vëgn determinada vigni ann dal Consëi d’aministraziun dl IPFS sön la basa dl cunt consuntif dl ann finanziar da denant.