b) Lege Provinziala di 17 de dezëmber dl 1998, n. 131)
Ordinamënt sön le frabiché abitatif alisiré

(1) L’aprovaziun dla gradatöra por l’assegnaziun dles abitaziuns dl IPFS y de chës abitaziuns surandades al IPFS en aministraziun ti speta a na comisciun metüda sö pro l’IPFS y metüda adöm da chisc comëmbri:

1. dal Presidënt dl Consëi d’aministraziun dl IPFS, che la presidiëia;
2. da n comëmber dl Consëi d’aministraziun dl IPFS;
3. da n rapresentant dla Repartiziun provinziala frabiché abitatif;
4. da n rapresentant dl comun, che rapresentëia le comun pro i organns d’assistënza de basa;
5. da döes porsones en rapresentanza di lauranć, nominà dal consëi comunal competënt sön proposta dles organisaziuns sindacales plü rapresentatives.

(2) Les funziuns de vizepresidënt dla Comisciun por l’assegnaziun vëgn ademplides dal comëmber dè dant tl coma 1, lëtra b).

(3) La Comisciun por l’assegnaziun resta tl’inćiaria ćina che le Consëi d’aministraziun dl IPFS é tl’inćiaria.

(4) I comëmbri dla Comisciun por l’assegnaziun vëgn stlüć fora dal’assegnaziun de abitaziuns.

(5) Ti comuns olache la maioranza é de lingaz ladin mëssel te vigni caje gnì garantì la rapresentanza dl grup linguistich ladin.