(1) La trasformaziun de bosch vëgn fata aladô dles prozedöres preodüdes dales leges provinziales di 11 d’agost dl 1997, n. 13, y mudaziuns suandëntes y di 25 de messè dl 1970, n. 16, y mudaziuns suandëntes. Cun l’autorisaziun ala trasformaziun pol gnì stabilì mosöres de compensaziun ecologiches adatades.
(2) Che che fej na trasformaziun de bosch che ne va nia a öna cun la zonisaziun é sotmetü ala straufunga aministrativa de 5,00 euro por vigni meter cuadrat plëgn o arondè de spersa trasformada, por n minimo te vigni caje de 62,00 euro. Che che ne se tëgn nia ales prescriziuns dades por la trasformaziun o ne realisëia nia les mosöres de compensaziun scrites dant vëgn sotmetü a na straufunga aministrativa de 2,00 euro por vigni meter cuadrat plëgn o arondè de spersa trasformada, por n minimo te vigni caje de 62,00 euro.
(3) Sce la trasformaziun vëgn autorisada doprò vëgn la straufunga aministrativa arbassada dl 50 porcënt. 3)