(1) La strutures urganisatives dla Provinzia cumpetëntes stipulea, tl respet dla pruzedures ududes danora dala normativa comunitera, naziunela y provinziela per la furnidura de bëns y servijes a aministrazions publiches, cunvenzions-cheder cun chëles che la mpreja crissa ora se mpeniea a se tenì, ai priejes y al'autra cundizions ududes danora, i cuntrac stluc ju do la rezevuda scëmpla da pert dla mprejes dla apustedes de furnidura dla aministrazions che n à la ublianza o la facultà respetiva aldò de chësc articul; tla cunvenzions nunziedes vëniel dat sëura l lim mascim dla dureda de tëmp y dla cuantità de bëns y de servijes che ie oget dla cunvenzions.
(2) I sogec nunziei tl articul 6/bis, coma 3, ie ubliei a se nuzé dla cunvenzions nunziedes tl coma 1 de chësc articul, o a se nuzé di parametri de priesc-cualità coche lims mascims per la compra de bëns y servijes semienc ogec de chëstes. Chësta pruzedures autonomes de compra vën dejëutes tres l sistem telematich de compra nunzià tl articul 6/bis, coma 1. 35)
(3) I sogec nunziei tl articul 6/bis, coma 4 possa tò pert ala cunvenzions nunziedes tl coma 1 de chesc articul; tl particuler possa chisc sogec tò pert a cunvenzions singules dajan ora ordens de furnidura, cialan da iede a iede sce l ie de utl, o i possa tò pert al sistem dla cunvenzions cun n pruvedimënt cun fazion generela, restan mpe l bujën de dé ora ordens de furnidura per pudëi stlù ju la compres singules.
(4) La Provinzia possa dejëujer, tres si strutures urganisatives cumpetëntes, per bëns y servijes nia stluc ite te cunvenzions operatives la funzion de stazion per i apalc sun la conta o a inuem y sun la conta de un o plu sogec nunziei tl articul 6/bis, coma 4, che fej na dumanda spezifica n chesc cont. 33) 36)
L articul 6/ter, coma 2, ie unit sustituì nsci dal articul 9, coma 2, dla L.P. di 7 d’auril 2014, n. 1
I articuli 6/bis, 6/ter y 6/cuater ie unic juntei dal articul 1, coma 2 dla lege provinziela di 10 de juni dl 2008, n. 4.
L articul 6/ter ie unit sustituì dal articul 27, coma 4 dla lege provinziela di 9 d'auril dl 2009, n. 1.