(1) I articui 1 ćina 33 dla lege provinziala di 9 de dezëmber dl 1978, n. 65 cun laprò la tabela A injuntada, y i articui 1, 2, 3, 4, 5, 8, 9 y 11 dla lege provinziala di 16 d'agost dl 1980, n. 33 cun laprò les tabeles B/I, B/II y B/III injuntades, vëgn abrogà.
(2) L'ofize n. 39 dè dant tla injunta A dla lege provinziala di 21 de mà dl 1981, n. 11 vëgn tut jö.
(3) L'aziënda speziala istituida cun la lege provinziala di 9 de dezëmber dl 1978, n. 65 vëgn tuta jö; la Provinzia y les unitês sanitares locales, por i seturs de süa competënza, antervëgn ti raporć passifs y atifs te chi che l'aziënda speziala en relaziun ales strotöres gestides da d'ëra, s'à lascè ite.
(4) I organns dl'aziënda nominada dessura resta ma plü tan dî tl'inćiaria, ćina che al é gnü arjigné ca, fat la revijiun y deliberé le cunt consuntif che mëss ti gnì presentè ala Junta provinziala por l'aprovaziun ti trëi mëisc che vëgn do.
(5) La consistënza de cassa y i resć atifs y passifs che resultëia dal cunt consuntif dè dant tl coma da denant vëgn dà inant al bilanz provinzial. I organns y i ofizi dla Provinzia competënć vëgn autorisà ćiamò dan la presentaziun dl cunt consuntif da licuidé y paié a ćiaria dl bilanz provinzial i passifs dl'aziënda dada sö, sce les spëises é gnüdes liades cun ać corespognënć.