(1) Ćina ai 31 de messè de vigni ann aprovëia la Junta provinziala, do avëi aldì i grups de laûr por l'integraziun scolastica, planns aposta partis sö aladô di grups linguistics y en referimënt al ann de scora che vëgn, olache al vëgn dè dant la realisaziun concreta di provedimënć nominà tl articul 16, coma 1, lëtra a ); ara mëss sambëgn tignì cunt dles propostes di comitês dles scolines, dles repartiziuns provinziales Formaziun profescionala todëscia y ladina y Formaziun profescionala taliana y di consëis d'istitut sön la basa di zertificać dl dotur psico-diagnostics dà fora dai sorvisc dles Aziëndes speziales unitês sanitares locales competëntes. 33)
(2) Tl respet de ći che vëgn desponü ti comesc che vëgn do, vëgnel atuè i atri provedimënć odüs danfora tl articul 16 sön la basa dl plann anual preodü dala lege provinziala di 31 d'agost dl 1974, n. 7, y mudaziuns y integraziuns suandëntes, y plü avisa tignin cunt di limić y dles modalitês da stabilì cun regolamënt d'esecuziun de chësta lege. I provedimënć tl cheder dl'assistënza scolastica che reverda la sistemaziun te convić y i atri provedimënć preodüs dal articul 4, coma 3 y dal articul 16, vëgn tuć dai ofizi competënć dles repartiziuns III y X. Les spëises che alda laprò vëgn autorisades y resservades cun ordinanza dl'assessuria provinziala competënta/dl assessur provinzial competënt. 34)
(3) Tl respet di criters stabilis tl articul 14 dla lege provinziala di 5 de setëmber dl 1975, n. 49, y mudaziuns y integraziuns suandëntes, mëss la Junta provinziala tignì cunt, canche ara ti assegnëia i imporć por les leziuns y l'aministraziun ales direziuns raionales y ai istituć scolastics, dles mosöres d'assistënza a bëgn dles porsones cun handicap che les direziuns y i istituć à tut.
(4) I ofizi competënć dles repartiziuns III y X po, do la deliberaziun dla Junta provinziala, cumprè diretamënter les atrezadöres y le material didatich spezialisé da ti dè ales scores singoles a livel de direziun raionala; laprò mëssel gnì tignì cunt dl articul 14/bis, coma 3 dla lege provinziala di 5 de setëmber dl 1975, n. 49, injuntè cun l'articul 5 dla lege provinziala di 12 de dezëmber dl 1978, n. 59.
(5) Implü po la Junta provinziala ti conzede ai ënć de gestiun dles scolines provinziales sciöche inće a chëres privates, dlungia les sovenziuns y i contribuć odüs danfora dal articul 7, comesc 4 y 5 dla lege provinziala di 17 d'agost dl 1976, n. 36, inće contribuć o sovenziuns por cumprè material didatich por seziuns speziales o integrades dles scolines o se cruzié diretamënter da cumprè chësc patüc.