e) Lege Provinziala di 30 de jügn dl 1983, n. 201)
Mosöres nöies a bëgn dles porsones cun handicap
1

(1) La Provinzia de Balsan ti garantësc ales categories de porsones dades dant tl articul 1, coma 1, aladô dla sort dl handicap:

1. i intervënć d'assistënza scolastica preodüs tl titul II;
   
2. l'istituziun y la gestiun de zëntri soziai por porsones cun handicap te döt le raiun provinzial, cun strotöres adatades por l'educaziun, l'ocupaziun y le tëmp lëde;
   
3. la promoziun de sojornanzes de cura, ativitês recreatives, sport y terapia dl'ocupaziun;
   
4. la formaziun profescionala y l'integraziun tl monn dl laûr;
   
5. le sostëgn pro l'assegnaziun y/o l'adatamënt de n'abitaziun;
   
6. l'intervënt de porsones por l'assistënza soziala dl sorvisc sozial.
   

(1/bis) Les inćiaries dades dant tl coma da denant vëgn eserzitades diretamënter dala Provinzia o en colaboraziun cun d'atri ënć o istituziuns publiches o privates. Chësta colaboraziun vëgn regolamentada tres convenziuns aposta por ći che reverda i sorvisc de basa da alzè fora ti programs preodüs dal articul 5, coma 1, lëtra a) o por ći che reverda i atri sorvisc, sostignida dala conzesciun de contribuć o sovenziuns aladô dles desposiziuns varëntes.

(2) Cun regolamënt d'esecuziun vëgnel determiné les modalitês y i limić dl'assistënza por vigni setur d'intervënt preodü dal coma 1 y regolamentè l'inviamënt dles porsones cun handicap ai sorvisc por porsones cun handicap gestis dai sorvisc soziai. A vigni moda vëgnel garantì le dërt da chirì fora i sorvisc plü adatà inće fora dal raiun. Por ći che reverda l'atuaziun dles mosöres che ti é gnüda delegada ai comuns aladô dl articul 10 dla lege provinziala di 30 d'aurì dl 1991, n. 13, vëgnel tignì cunt tl regolamënt d'esecuziun dl ordinamënt istituzional y organisatif di ënć de gestiun, sciöche inće dles formes d'organisaziun di sorvisc soziai istituides tl cheder dl ordinamënt nü de chisc sorvisc.

(3) Al vëgn mantignì i intervënć d'assistënza tl setur sozial y economich che vëgn dai sorvisc aposta dl'Aministraziun provinziala y dai atri ënć publics competënć; la Junta provinziala se crüzia dl coordinamënt che é debojëgn. 10)