e) Lege Provinziala di 30 de jügn dl 1983, n. 201)
Mosöres nöies a bëgn dles porsones cun handicap
1

(1) I sorvisc dl raiun sozial preodüs dala lege provinziala di 30 d'aurì dl 1991, n. 13 ti pîta ales zitadines y ai zitadins che é limità dassënn temporanamënter o permanantemënter te süa autonomia personala n sorvisc d'aiüt personal, sce la limitaziun ne po nia gnì superada tres mesi d'aiüt tecnics y informatics, proteses o d'atres formes de sostëgn che alisirëia l'independënza y l'integraziun, cun laprò inće le sorvisc d'interpretaziun por les zitadines y i zitadins che ne alda nia, le sorvisc d'informaziun por les zitadines y i zitadins y l'assistënza a ćiasa.

(2) I sorvisc di raiuns soziai po gnì integrà cun i sorvisc sanitars y i atri sorvisc sozio-assistenziai che é da ciafè tl Südtirol y po inće s'anuzé dla colaboraziun:

1. dles porsones che à ciafè le reconescimënt dl'obieziun al sorvisc militar aladô dles normes varëntes, y che fej domanda aposta;
   
2. dles zitadines y di zitadins sura 18 agn che à fat domanda da fà sorvisc de volontariat;
   
3. de organisaziuns de volontariat.
   

(3) Le personal preodü dal coma 2 mëss mostrè sö na formaziun aposta.

(4) Por fà i sorvisc d'aiüt preodüs dal coma 1 po i sorvisc di raiuns soziai rové a convenziuns cun organisaziuns de volontariat. 30)