e) Lege Provinziala di 30 de jügn dl 1983, n. 201)
Mosöres nöies a bëgn dles porsones cun handicap
1

(1) Por ći che reverda l'assistënza ti convić colià ai zëntri soziai él da respetè le prinzip dla mascima integraziun poscibla dla porsona cun handicap te so ambiënt sozio-familiar; por l’assistënza vëgnel inćiarié personal educatif y assistënt.

(2) Tl convit pol gnì tut sö porsones cun handicap che:

1. ne po nia adorè le trasport da vigni dé deache süa familia sta massa dalunc dala scora, dales istituziuns por la formaziun profescionala o dal salf protezionè che la porsona cun handicap frecuentëia;
   
2. à debojëgn da gnì tutes sö te n convit por n tëmp limité deache süa familia à dificoltês o deache al ô ester terapies particolares;
   
3. à debojëgn da gnì tutes sö por n tëmp indeterminé deache süa familia n'é nia buna da ćiarè do y les atres formes de sostëgn sciöche le convit de dé, l'afidamënt familiar, l'assistënza a ćiasa y i atri intervënć sozio-sanitars preodüs dal plann sanitar y assistenzial ne basta nia. Ćina che al ne vëgn nia atuè le plann sozio-assistenzial po i zëntri soziai ademplì sües prestaziuns istituzionales cun l'aiüt de so personal inće defora da sües sëntes. 19)
   

(3) L'aministraziun provinziala y i atri ënć o organns competënć por lege tol, dlungia i provedimënć atuà aladô de chësta lege, inće provedimënć d'assistënza a ćiasa y fej intervënć economich-assistenziai de basa, aladô dles leges provinziales di 26 d'otober dl 1973, n. 69 y di 30 d'otober dl 1973, n. 77 y mudaziuns y integraziuns suandëntes.

(4) D'atres mius condiziuns eventuales che vëgn stabilides aladô de chësta lege a bëgn dla porsona cun handicap resta impé.