e) Lege Provinziala di 30 de jügn dl 1983, n. 201)
Mosöres nöies a bëgn dles porsones cun handicap
1

(1) L'ofize por le marćé dl laûr mët a jì inrescides por ciafè fora ći poscibilitês de laûr che al é por porsones cun handicap aladô de na mediaziun de laûr.

(2) Por sostignì l'integraziun de porsones cun handicap tl monn dl laûr deliberëia la Junta provinziala sön proposta dles assessuries competëntes/di assessurs competënć da conzede:

1. n contribut por arjigné ite n post de laûr atrezè aposta por valorisé veramënter les capazitês de laûr dla porsona cun handicap, che é buna da laurè te na manira che tëgn pro, y por tó y jì les barieres architetoniches;
   
2. premies a daturies/daturs de laûr privać por favorì l'integraziun de porsones cun handicap te aziëndes. Chëstes premies vëgn stabilides cun deliberaziun dla Junta provinziala y vëgn paiades fora dala porsona competënta a će dl ofize. Sce le raport de laûr vëgn desdit vëgnel paié fora tan de dodejejimi dla premia sciöche i mëisc che la porsona cun handicap é stada tl'aziënda;
   
3. n contribut por cumprè o adatè les atrezadöres che va debojëgn en relaziun al handicap dla porsona. Le contribut vëgn ma conzedü por i cosć implü documentà por l'atrezadöra spezifica o l'adataziun spezifica de chësta.
   

(3) L'ofize dl laûr tol provedimënć por na mediaziun dl laûr mirada por porsones cun handicap. 17)