(1) Le Defensur popolar/La Defensuria popolara laôra a na manira daldöt lëdia y independënta.
(2) Le Defensur popolar/La Defensuria popolara po ti damanè por scrit y a usc al responsabl dl sorvisc dla Provinzia, di ënć o dles porsones iuridiches odüdes danfora dal articul 2 interessà dala lamentanza, na copia di ać o di provedimënć che al/ara arata d’ütl por realisé sü compić istituzionai, y al/ara po ti ćiarè a düć i ać che reverda la pratica zënza limić dl socrët d’ofize.
(3) Le Defensur popolar/La Defensuria popolara é lié/liada al socrët d’ofize.
(4) Le Defensur popolar/La Defensuria popolara po inćiarié i ofizi dl’aministraziun provinziala y dl Consëi provinzial de dè jö arać. Te caji particolars pol/pora ti assegné chësta inćiaria inće a esperć esterns/espertes esternes.