(1) La verdia sun l’aplicazion de chësta lege ti spieta ai funzioneres autorisei dl’Agenzia provinziela y, ti caji stabilii dala Jonta provinziela, ai funzioneres dl corp forestel provinziel y ai organns de cuntrol di chemuns. Per la pruibizion nunzieda tl articul 16, coma 2, ti spieta la verdia nce al Corp permanënt di studafuech. 20)
(2) L personal nciarià dl cuntrol à l azes daviert ala lueges sometudes a verdia y ie autorisà a fé la ispezions y i cuntroi che ie de bujën.
(3) Sce l vën, ntan la ejaminazions, la mesurazionsy i cuntroi, cunstatà che la ublianzes dates dant da chësta lege ne ie nia unides respetedes, ti scrij l ufize gestion dl refudam dant al respunsabl dla trasgrescion la mesures che ie da atué tl lim de n tëmp determinà danora per se mëter a post ti cunfronc dla lege. L’aplicazion dla straufonghes aministratives y penales resta mpe.
