c') Lege Provinziala di 5 de merz dl 2001, n. 71)

(1) Tla Repartiziun Sanité vëgnel metü sö le Comitê zivich por la sanité sciöche organn consultif dl’aministraziun provinziala.

(2) Le Comitê zivich por la sanité vëgn consultè por chestiuns che reverda le Plann sanitar provinzial, la partezipaziun ai cosć dl setur sanitar y d’atres chestiuns tl ambit sanitar che ti vëgn presentades dala Junta provinziala.

(3) Le Comitê zivich por la sanité é metü adöm da:

1. dui rapresentanć dles organisaziuns sindacales plü rapresentades;
2. dui rapresentanć dles organisaziuns economiches;
3. dui rapresentanć dles aziëndes sanitares;
4. n rapresentant dla Repartiziun Sanité;
5. le defensur zivich;
6. trëi rapresentanć dles organisaziuns de volontariat che laora tla Provinzia;
7. n rapresentant dl Ordinn di medi y di medi di dënz dla Provinzia de Balsan;
8. n rapresentant dl Coleghium di infermiers profescionai, di assistënć sanitars y dles infermieres di mituns dla Provinzia de Balsan;
9. n rapresentant dles organisaziuns por la sconanza di consumadus;
10. n rapresentant di comuns.

(4) Le Comitê zivich por la sanité vëgn nominé dala Junta provinziala y romagn tl’inćiaria por la dorada dla legislatöra. Le Comitê zivich nominëia le Presidënt y so sostitut danter sü mëmbri. Les funziuns de secretêr vëgn destrigades da n impiegat dla Repartiziun Sanité, che é almanco dl sesto livel.