c') Lege Provinziala di 5 de merz dl 2001, n. 71)

(1) Istituì é le Consëi provinzial de sanité sciöche organn consultif tecnich-scientifich dl’aministraziun provinziala.

(2) Le Consëi provinzial de sanité à le compit de:

1. dè so arat sön domanda dl Presidënt dla Junta provinziala o dl Assessur provinzial por la sanité;
2. promöie y organisé, sön l’inćiaria dla Junta provinziala, stüdi, inrescides y archirides sön temesc tecno-sanitars, anuzan strotöres dla Provinzia, dles aziëndes sanitares, sciöch’inće de d’atri ënć y istituziuns y de esperć deforadecà, inće che vëgn da n paîsc mëmber dla Uniun Europeica, inćiarià do avëi ciafè l’autorisaziun dla Junta provinziala.

(3) Le Consëi provinzial de sanité é nominé dala Junta provinziala y al é metü adöm da:

1. n Diretur sanitar aziendal;
2. dui esperć dla medejina y dles spezialitês de medejina;
3. n espert dla chirurgia y dles spezialitês de chirurgia ;
4. dui esperć dla medejina diagnostica y di sorvisc ;
5. n espert de sanité publica y n espert de programaziun y organisaziun sanitara;75)
6. n mede de medejina generala;
7. n espert dla categoria profescionala di medi di tiers;
8. n espert dla categoria profescionala di farmazisć;
9. n espert dla categoria profescionala di biologs, di chimics, di fisics o di psicologs;
10. n mede di dënz o n mede chirurgh-di dënz;
11. trëi esperć dl rode sanitar nia de medejina, de chisc trëi almanco n rapresentant dl setur di infermiers;
12. n mede aconsié dala Sozieté de Medejina de Südtirol.

(4) N mëmber dl Consëi provinzial de sanité mëss ester n mede de profesciun lëdia.

(5) Le Consëi provinzial de sanité y so sostitut vëgn lità dai mëmbri dl Consëi provinzial de sanité tla pröma incuntada. Les funziuns de secretêr vëgn destrigades da n impiegat dla Repartiziun Sanité, almanco dl sesto livel.

(7) Por tematiches sanitares dër spezifiches dal punt d’odüda scientifich, po l’Assessur provinzial por la sanité, sön domanda motivada dl Consëi provinzial de sanité, nominé grups de laûr aposta metüs adöm da nia deplü co cin’componënć inće da deforadecà dl Consëi instës. I grups de laûr vëgn coordinà da n componënt dl Consëi.