c') Lege Provinziala di 5 de merz dl 2001, n. 71)

(1) La Junta provinziala vëgn autorisada de stlüje jö cun les organisaziuns sindacales dla categoria dles apoteches publiches y privates, plü raprejentades tla Provinzia, convenziuns aposta de trëi agn, por regolè i raporć por l’egoraziun dl’assistënza farmazeutica. Chësta convenziun mëss ćiarè che:

1. les apoteches publiches y privates surantol l’assistënza farmazeutica por le Sorvisc sanitar provinzial dan fora cun la presentaziun dla rezeta dl mede medejines, preparać galenics, produć dietetics, aiüt de medejina y d’atri produć sanitars, che vëgn dà fora dal Sorvisc sanitar nazional ti limi preodüs dai standarg d’assistënza;
2. por le sorvisc aladô dla lëtra a), l’Aziënda sanitara responsabla ti ret al’apoteca che dà fora le produt, le prisc demendrì dla cuota, che la porsona assistida mëss paié intëssa. Por la licuidaziun mëss l’apoteca mostrè la rezeta cun le bol o n’atra documentaziun che confirmëia che le produt ti é gnü dè ala porsona assistida. Sc’al é gnü paié do le term stabilì tl contrat, spo ne ne pol nia gnì reconesciü interesc plü alć co chi legai;
3. ch’al vëgn stabilì les modalitês de presentaziun dles rezetes y i tëmps de paiamënt sciöch’inće la modalité de colauraziun dles apoteches.68)

(2) La convenziun mëss inće preodëi l’istituziun de na comisciun de suravidlanza sön l’aplicaziun dl articul 36 dl Decret dl Presidënt dla Republica di 15 de messè 1988, nr. 574, sön l’utilisaziun deboriada di lingac todësch y talian sön les etichetes y sön i zetli dles indicaziuns dles medejines.