c') Lege Provinziala di 5 de merz dl 2001, n. 71)

(1)Tl respet dles desposiziuns en forza preodüdes dal decret legislatif di 30 de jügn dl 2003, n. 196, vëgnel istituì chisc registri:

1. le register di tumors,
2. le register dles maraties rades,
3. le register dles gaujes de mort,
4. le register dl diabetes,
5. le register di despositifs daimplantè,
6. le register dles proteses ales lisöres,
7. le register dles maraties cardio-vascolares,
8. le register dles maraties zerebro-vascolares.

(2)Ti registri preodüs dal coma 1 vëgnel coiü adöm por rajuns de stüde y de inrescida tl ćiamp dla medejina, dla biomedejina y dla epidemiologia, i dać anagrafics y sanitars dles porsones che à maraties che toca laprò, tl respet dles desposiziuns sön la sconanza di dać personai en forza.

(3)Cun regolamënt d’esecuziun emanè aladô dl arat dl’autorité por la proteziun di dać personai aladô di articui 20 y 154, coma 1, lëtra g) dl decret legislatif di 30 de jügn dl 2003, n. 196, vëgnel fat fora cai che é i dać sensibli, les operaziuns che po gnì fates, i fins spezifics de vigni register preodü dal coma 1, i sogeć che po rové pormez ai registri y i dać che ai po odëi, sciöche inće les mosöres por tignì sö y sconè i dać.

(4)L’elaboraziun di dać adorà por realisé i registri mëss a vigni moda tignì cunt di prinzips de nezescité, portignënza, completëza y de nia suraplü preodüs dai articui 3, 11 y 22 dl decret legislatif di 30 de jügn dl 2003, n. 196.52)