c') Lege Provinziala di 5 de merz dl 2001, n. 71)

(1) La Junta provinziala eserzitëia les funziuns de programaziun, d’orientamënt, de control y de suravidlanza. La Junta provinziala é competënta dantadöt por:

1. l’aprovaziun dl Plann sanitar provinzial che po contignì diretives programatiches dl svilup de vigni comprensore sanitar;
2. l’autorisaziun de podëi sostituì i organns de gestiun dl’Aziënda sanitara nominà dala Junta provinziala,
3. le conferimënt dles autorisaziuns de eserzize y de suravidlanza sön les istituziuns y sön i sorvisc sanitars privać;
4. la costituziun y la nominaziun di organns coleghiai tl ćiamp dles prestaziuns sanitares y d’igiena y dla sanité publica, cun ezeziun di organns coleghiai por chi che l'Aziënda sanitara é responsabla;
5. la dezijiun sön les lamentanzes aministratives tl ćiamp dla sanité, che reverda les prestaziuns sanitares, i contribuć y i ordinamënć aministratifs dl’igiena y dla sanité publica;
6. la determinaziun dles tarifes dles prestaziuns sanitares sportes diretamënter o indiretamënter;
7. l’adoziun di provedimënć nezesciars por l’acreditamënt y le control de acordanzes contratuales che l’Aziënda sanitara stlüj jö cun i sogeć iuridics;
8. l’assegnaziun söla basa dles esigënzes, dles ressurses finanziares y imobiliares destinades al Sorvisc sanitar provinzial y al’Aziënda sanitara;
9. l’aprovaziun di laûrs de costruziun, d’ampliamënt y de recostruziun di bëgns imobii destinà al Sorvisc sanitar provinzial cun destinaziun cun lian de destinaziun, l’afidamënt de chisc al’Aziënda sanitara y a d’atri ënć publics y privać sciöch’inće l’aprovaziun dl program di gran aparać eletrics medicai;
10. le control y l’analisa economica-finanziara dl impëgn dles ressurses destinades al Sorvisc sanitar provinzial aladô di obietifs dla programaziun sanitara provinziala sciöch’inće la formulaziun de diretives por le finanziamënt di comprensori sanitars, tignin cunt inće de süa produziun;
11. la promoziun y la gestiun direta o tres la colauraziun cun ënć y istituziuns publiches y privates de intervënć tl ćiamp sanitar en relaziun ala formaziun de basa, spezialistica y permanënta; tl ćiamp dla formaziun permanënta vëgnel eseguì i intervënć formatifs de interès provinzial;
12. l’espresciun dl consëns preodü tl articul 15, coma 6, dla lege provinziala di 9 de jügn 1998, nr. 5, y mudaziuns suandëntes, por l’indiziun dla seleziun di dirigënć sanitars cun l’inćiaria da diretur, tl limo dla repartiziun proporzionala di posć di trëi grups linguistics, che resultëia dal’ultima cumpëda generala dla popolaziun;
13. la definiziun dles modalitês por la suravidlanza y le control dl’Aziënda sanitara sciöch’inće por la valutaziun di obietifs arjunć stabilin te chësc caje inće les modalitês dla partezipaziun di ënć locai mëss gnì stabilides;
14. l’individuaziun dles prozedöres y dles modalitês de verificaziun de düć i resultać dl’Aziënda sanitara, se tignin ai criters de control dla gestiun y dl finanziamënt y dla conformité de chisc resultać cun le Plann sanitar provinzial.2)