(1) Chësta lege regolëia l’ordinamënt dl Sorvisc sanitar provinzial.
(2) La Provinzia autonoma de Balsan s’un tol sura dla sanité sciöche dërt fondamental dla porsona y sciöche interès dla coletivité tres le Sorvisc sanitar provinzial che é costituì dales funziuns, dales strotöres, dai sorvisc y dales ativitês destinades, tl raiun dla Provinzia a promöie, mantignì y recuperè la sanité dl corp y dla mënt de döta la popolaziun. Le Sorvisc sanitar operëia zënza desfarenzié aladô dles condiziuns individuales y soziales y dles modalitês che assigurëia l’avalianza de chi che à le dërt y ti garantì inće süa partezipaziun.
(3) La Provinzia autonoma de Balsan à le fin de assiguré la maiù cualité y efiziënza di sorvisc sanitars.
(4) Por arjunje chisc obietifs se basëia la Provinzia da Balsan inće sön les ressurses dl setur privat.
(5) Le Sorvisc sanitar provinzial promöii, respetan i traverć dla programaziun, le sorvisc dl volontariat che laora tl ćiamp sozio-sanitar por arjunje sü obietifs.
