(1) I direturs generai po ti dè inćiaries por le destrigamënt de funziuns de gran importanza y d’interès strategich tres contrać a tëmp determiné y cun le raport de laûr estlusif, danter le limo dl dui por cënt dla dotaziun organica dla dirigënza, a porsones laureades cun na cualificaziun profescionala cumprovada che à bele laurè te strotöres y te ënć publics o privać o te aziëndes publiches o privates y che ne ciafa nia la ponsium. I contrać döra almanco n ann y nia deplü co 5 agn y ai po ma gnì renovà un n iade.
(2) Le paiamënt vëgn determiné sön la basa di criters stabilis ti contrać coletifs dla dirigënza dl Sorvisc sanitar provinzial.
(3) Por la dorada dl contrat aladô dl coma 1 vëgn i dependënć dl’aministraziun publica metüs tl’aspetativa nia retribuida cun le reconescimënt di agn de sorvisc.
(4) Les inćiaries aladô dl articul presënt obliëia l’Aziënda sanitara de stabilì tl medemo tëmp l’indesponibilité di posć de dirigënza dl organich por le medemo import dl impëgn finanziar surantut.
