c') Lege Provinziala di 5 de merz dl 2001, n. 71)

(1) I ospedai atuai forma la rëi dles strotöres di ospedai publics y ai é strotöres dl’Aziënda sanitara. So compit é l’assistënza tl ospedal aladô dles desposiziuns de lege, de regolamënt y dles indicaziuns y diretives contignides inće tl Plann sanitar provinzial y ai à l’autonomia tecnica-funzionara ti limi di criters stabilis dala Junta provinziala tl ambit dla programaziun sanitara provinziala.29)

(2) Le gre de spezialisaziun dles strotöres di ospedai, süa articulaziun te unitês operatives y te ćiamps omogenns, les formes d’organisaziun de departimënt danter i ospedai y ti ospedai, che vëgn inće cumplementà cun i sorvisc teritoriai, sciöch’inće le numer di leć por l’assistënza te ospedal o te strotöres stazionares de dé, vëgn definis tl Plann sanitar provinzial y dai provedimënć d’atuaziun.

(3) Le Plann sanitar provinzial prevëiga por vigni ospedal standarg por l’utilisaziun di leć y la cuota a pert di leć resservà ai paziënć dla reabilitaziun y ai paziënć postacuć de maratia lungia.

(4)30)

(5) Por vigni ospedal él preodü inće n diretur medich. Chësc é responsabl dles funziuns dl’igiena, dla medejina legala, dl’organisaziun, dla gestiun, dl svilup dla cualité, fajon referimënt particolar ala coordinaziun dles unitês operatives y dles strotöres organisatives di departimënć sanitares.31)

(6)32)

(7)30)

(8) Por avëi l’azès al post de diretur medich te ospedal mëssel gnì respetè i recuisić stabilis dal Decret dl Presidënt dla Junta provinziala di 23 d’aurì 1998, nr. 12, tignin cunt de ći che é gnü stabilì por n tëmp transitore tl articul 14, coma 5.

(9)33)

(10) Ti ospedai de Schlanders, Sterzing y Sanćiana po les funziuns dl diretur medich gnì destrigades da n diretur responsabl de na disciplina tlinica. Tratan le destrigamënt dles funziuns de diretur medich dl ospedal, ti romàgnel le post tl’unité operativa de provegnënza.