c') Lege Provinziala di 5 de merz dl 2001, n. 71)

(1) L’Aziënda sanitara, en acordanza cun les diretives stabilides dala Junta provinziala y eventualmënter por süa integraziun, ativëia n sistem de monitoring y de control sön la cualité dl’assistënza y sön le comosoramënt dles prestaziuns destrigades. Te chësc sistem vëgnel tignì cunt:

1. dla validité dla documentaziun aministrativa che comprovëia les prestaziuns y la conformité cun les ativitês efetivamënter destrigades,
2. dla nezescité tlinica y la conformité dles prestaziuns y di paziënć che vëgn tuć sö te ospedal, tignin cunt en particolar di paziënć che vëgn menà o spostà te d’atres strotöres;
3. dla conformité dles formes y dles modalitês dl’assistënza che vëgn dada ;
4. di resultać finai dl’assistënza y dla sodesfaziun di paziënć cun i sorvisc che vëgn pità. Tla valutaziun mëssel gnì conscidré i interessà.

(2) Le respet di programs d’ativité preodüs por vigni strotöra rapresentëia n elemënt de ejaminaziun por la confermaziun dles inćiaries dl Diretur general y di direturs dl comprensore sciöch’inće por le paiamënt de premies de prestaziuns eventuales che foss preodüdes por le personal cun funziuns de dirigënza dl’Aziënda sanitara.28)