(1) Le Diretur general vëgn nominé 30 dis do che le comunicat é gnü publiché tl Boletin Ofizial dla Regiun Trentin-Südtirol y tla gasëta ofiziala dla republica.
(2) Por la nominaziun ne po i candidać tl momënt dla presentaziun dla domanda nia avëi superè l’été de 65 agn, ai mëss ester laureà y avëi i recuisić spezifics y documentà, n’ativité profescionala de cin’agn tl ćiamp tecnich o aministratif te ënć, aziëndes y strotöres publiches o privates. La domanda mëss contignì la detlaraziun dl candidat ch’al ne n’é nia te condiziuns aladô di comesc 9 y 11 dl articul 3 dl Decret legislatif di 30 de dezëmber 1992, nr. 502, y mudaziuns suandëntes.
(3) Aldefora di recuisić aladô dl coma 2, vëgnel ghiré l’atestat de conescënza di lingac talian y todësch por le diplom de laurea aladô dl Decret dl Presidënt dla Republica di 26 de messè 1976, nr. 752, y les mudaziuns suandëntes.
(4) Le Diretur general mëss presentè 18 mëisc do ch’al é gnü nominé, le zertificat de frecuënza dl curs de formaziun tla materia de sanité publica y d’organisaziun y dla gestiun sanitara. Chisc cursc vëgn inće organisà dal Assessur competënt, inće a livel interregional y en colauraziun cun les universitês o d’atri sogeć publics o privać acredità, che laora tl ćiamp dla formaziun da manager aladô dla disciplina varënta dl setur.
(5) La Junta provinziala fistidiëia por la nominaziun, anter le termo de 60 dis, da canche l’ofize é gnü lëde. Sce la nominaziun ne n’é nia poscibla, vëgnel nominé n comissar straordinar cun döt le podëi cun n provedimënt motivé dala ezeziun dl caje.