a) Lege provinziala di 17 de forà dl 2000, n. 71) —
Ordinamënt nü dl comerz

(1) Al ejam de tecnich dl comerz vëgnel lascè pro chi che:

1. à fat le practicum tl setur comerzial y à dedô laurè te n’aziënda comerziala por almanco trëi agn;
   
2. do avëi stlüt jö n curs de cualificaziun profescionala de almanco dui agn à laurè te n’aziënda comerziala por almanco trëi agn;
   
3. à stlüt jö cun suzès i cinch agn de scora dl comerz y à dedô laurè te n’aziënda comerziala por almanco un n ann, o
   
4. à n’esperiënza profescionala de almanco sis agn tl setur dl comerz.
   

(2) Ai ejams vëgnel inće lasciades pro les porsones n possès de recuisić ecuivalënć, do avëi aldì la comisciun d'ejam competënta.

(3) La domanda d’amisciun ai ejams mëss gnì menada al diretur o ala direturia dla Repartiziun Artejanat.

(4) L'amisciun al ejam o la refüsa d'amisciun al ejam vëgn comunicades ala porsona che à fat domanda anter 30 dis dala presentaziun dla domanda. Al po gnì presentè recurs cuntra la refüsa ala Junta provinziala anter 30 dis dala recioiüda dla comunicaziun. Tl caje che la Junta provinziala ne toles degöna dezijiun anter 30 dis, vëgn la domanda conscidrada aprovada. 31)