(1) Per la mudazions de chësc Statut vëniel aplicà la pruzedura stabilida dala Costituzion per la leges costituzioneles;
(2) L dërt de scumenciadiva per la mudazions de chësc Statut ti spieta nce al Cunsëi regiunel sun pruposta di Cunsëies dla Provinzies autonómes de Trënt y de Bulsan y do la delibrazion cunforma dl Cunsëi regiunel.
(3) I proiec de mudazion de chësc Statut de scumenciadiva guviernativa o parlamentera vën comunichei dal Guviern dla Republica al Cunsëi regiunel y ai Cunsëies provinziei, che porta a esprescion si minonga tl lim de tëmp de doi mënsc.
(4) La mudazions dl Statut apurvedes ne ie te uni cajo nia sometudes a referendum naziunel.63)