(1) I chemuns y i autri sogec, che aldò dl articul 8, coma 1, pustom g) ndividuei, y i gestores di mplanc d'abineda y de smaltimënt ti paia uni ann ala Provinzia de Bulsan na soma per curì n pert la spëises dla Provinzia per realisé mplanc de recupereda y de smaltimënt dl refudam de nridlamënt. La basa de calcul per la determinazion de chësta soma ie la spëisa abuda ti ultimi 15 ani per la realisazion di mplanc. Per i chemuns che ne respetea nia i obietifs fissei tl plann provinziel per la gestion dl refudam, vën chësta soma avaneda a na moda da curì nce na cuota che curespuende al custimënt mesan dla gestion di mplanc n droa.
(2) I criteres y la modaliteies per l calcul y l paiamënt dla soma nunzieda pra l coma 1 vën determinei dala Jonta provinziela aldò dl amudlé dl refudam n l ann dant y aldò dla cumpatibltà ambientela di mplanc defrënc y tl respet dla mires ududes danora tl plann provinziel per la gestion dl refudam.
(3) La soma che ie da paië da uni chemun vën fissá uni ann dal Jonta provinziela n basa ai criteres y ala modaliteies nunziei pra l coma 2.
(4) La somes paiedes ite dai chemuns y dai gestores di mplanc ie destinedes al finanziamënt di ntervënc udui danora dal plann provinziel per la gestion dl refudam.
(5) Sce n chemun ne se cruzia nia de paië ite la soma che l ie debit tl tëmp udù danora, ti vën chësta soma trata jù l ann do dala terza rata dla somes atribuides al chemun aldò dl articul 4 dla lege provinziela dl 14 de fauré 1992, nr. 6.