In vigore al

RICERCA:

Ultima edizione

e) Lege Provinziala di 30 de novëmber dl 2004, n. 91)
Dërt de studié al’université

1)
Publicada tl B.O. di 14 de dezëmber dl 2004, n. 50.

Pert I
Prinzips generai

Art. 1 (Oget)

(1) La Provinzia autonoma de Balsan promöi le dërt de studié al’université tres:

  1. stipendiums ordinars;
  2. stipendiums straordinars;
  3. retüda dles tasses universitares;
  4. stipendiums por teses de diplom, teses de laurea spezialistica, dissertaziuns y teses ecuiparades y inće por laûrs de inrescida y abilitaziun;
  5. retüda dles spëises de iade;
  6. cuartiers;
  7. sorvisc de mensa;
  8. provedimënc particolars por studëntes y studënc cun handicap; 2)
  9. imprësć;
  10. contribuć a organisaziuns di studënć;
  11. stipendiums por le barat de studëntes y studënć;
  12. sorvisc de informaziun;
  13. stipendiums por la formaziun postuniversitara y por practicums;
  14. d’atri provedimënć por realisé le dërt de studié al’université.

(2) I provedimënć é ponsà por les studëntes y i studënć iscrić a cursc de stüde pro istituziuns universitares y istituć superiurs cun sënta tla Talia o te paîsc dl raiun cultural todësch, denominades chilò dessot “universitês”.

(3)La limitaziun preodüda dal coma 2 ne vëgn nia aplicada ai provedimënc preodüs dal coma 1, lëtres a), b), c), d), i), k) y m). 3)

2)
La lëtra h) dl art. 1, coma 1 é gnüda mudada insciö dal art. 5, coma 1 dla l.p. di 7 d’agost dl 2017, n. 12.
3)
L’art. 1, coma 3 é gnü mudé insciö dal art. 5, coma 2 dla l.p. di 7 d’agost dl 2017, n. 12.

Art. 2 (Porsones che à chësc dërt)  delibera sentenza

(1) Chëstes porsones po se damanè les prestaziuns preodüdes da chësta lege:

  1. zitadines y zitadins dl’Uniun europeica che frecuentëia universitês tla provinzia de Balsan;
  2. zitadines y zitadins extracomunitars che frecuentëia universitês tla provinzia de Balsan, ma sce ai à la residënza da almanco un n ann te Südtirol;
  3. zitadines y zitadins de chi stać dl’Uniun europeica che ti conzed ales zitadines y ai zitadins talians les mosöres de sostëgn por le dërt de studié, y inće les zitadines y i zitadins talians sc’ai frecuentëia universitês fora dla provinzia y à la residënza da almanco dui agn tla provinzia de Balsan.
  4. zitadines y zitadins extracomunitars che à le zertificat de sojornanza CE a dorada lungia por la Talia y zitadines y zitadins che à ciafè le reconescimënt dl status de profugh o de proteziun sussidiara aladô dla diretiva comunitara 2004/83/CE, che vëgn ecuiparà ales zitadines y ai zitadins talians.4)
  5. zitadines y zitadins foresć de Stać che ne fej nia pert dl’Uniun europeica, che frecuentëia l’université fora dla provinzia de Balsan, sce ai [da cin agn la residënza] tla provinzia de Balsan. 4)5)

(2) Por i provedimënć preodüs dal articul 1, coma 1, lëtres a), b), c), d), h), i), k) y m), po les bandides de concurs o i criters d’assegnaziun preodëi condiziuns d’amisciun plü restritives.

(3) Nia se jovè dles prestaziuns de chësta lege ne po chi che:

  1. à complì i trëntecinch agn y é iscrić a n curs de laurea o a n curs ecuiparè a chësc che döra trëi agn;
  2. à complì i carant’agn y é iscrić a n curs de diplom, de magister o de laurea spezialistica;
  3. é iscrić a n secundo curs de diplom, de magister, de laurea o de laurea spezialistica;
  4. à superè de plü de n ann la dorada legala dl curs de stüde.

(4) Por studëntes y studënć che por rajuns personales o de familia sceries n’é nia bugn da stlüje jö sü stüdi tl tëmp dè dant tl coma 3, lëtra d), pol gnì preodü tles bandides dl concurs o ti criters d’assegnaziun ezeziuns al limit de tëmp scrit dant.

massimeVerfassungsgerichtshof - Urteil vom 14. Jänner 2013, Nr. 2 - Einwanderung und Integration – staatliche Zuständigkeit – Gesetzeswidrigkeit der Voraussetzung der fünfjährigen Ansässigkeit
4)
La lëtra d) y e) é gnüdes ajuntades dal art. 16, coma 4 dla l.p. di 28 d’otober dl 2011, n. 12.
5)
La Curt Costituzionala à detlarè cun sentënza n. 2 di 14 de jenà dl 2013 che les parores „da cin agn“ dl art. 2, coma 1, lëtra e) é cuntra la lege.

Art. 3 (Determinaziun dla situaziun economica)

(1) I provedimënc preodüs dal articul 1, coma 1, lëtres a), b), c), d), e), h), i), k) y m) vëgn conzedüs a de bones studëntes y a de bugn studënc che se le mirita sön la basa dl relevamënt dla situaziun economica dla familia, aladô de ci che vëgn preodü da chësc articul.

(2)  Le valur dla situaziun economica (VSE) vëgn stabilida sön la basa dl decret dl Presidënt dla Provinzia di 11 de jená dl 2011, n. 2, y mudaziuns suandëntes sön le “Regolamënt sön le relevamënt unifiché dl davagn y dl patrimone”.

(3)  Les condiziuns d’azes ales prestaziuns economiches preodüdes dal coma 1 vëgn regolamentades cun regolamënt d’esecuziun, cun chël che al vëgn determiné le valur dla situaziun economica (VSE) amiscibla por ciafé la prestaziun. 6)

6)
L’art. 3 é gnü mudé insciö dal art. 5, coma 3 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 4  7)

7)
L'art. 4 é gnü abgroghé dal art. 20, coma 1, lëtra c) dla l.p. 11 lugio 2018, n. 10.

Art. 5 (Consulta provinziala por le dërt de studié al’université)

(1) Pro la Repartiziun provinziala Promoziun dl stüde vëgnel metü sö la Consulta provinziala por le dërt da studié al’université, denominada chiló dessot “Consulta”. La Consulta pîta consulënza por ci che reverda l'orientamënt dles politiches che sostëgn le dërt da studié, sciöche ince le coordinamënt y mioramënt di intervënc che alda lapró, cun lapró la dotaziun finanziara che alda lapró y les bandides de concursc desvalies tl ciamp dl dërt da studié. Ara pó formulé propostes por le svilup y le mioramënt de intervënc y gní inciariada dl’elaboraziun de propostes y arac.  8)

(2) La Consulta é metüda adöm:

  1. dal’assessuria provinziala competënta o dal assessur provinzial competënt o da na porsona en süa sostituziun, sciöche presidënt;
  2. da döes porsones en rapresentanza dl’Université Lëdia da Balsan che fej pert de grups linguistics desfarënć;
  3. da trëi porsones espertes; öna de chëstes trëi mëss fà pert dl grup linguistich ladin;
  4. da trëi porsones en rapresentanza dles studëntes y di studënć nominades, a öna danter d’ëres, dales organisaziuns di studënć cun sënta tla provinzia;
  5. dala direturia o dal diretur dla Repartiziun provinziala Promoziun dl stüde.

(3) La Consulta vëgn nominada dala Junta provinziala y resta tl’inćiaria por cin agn alalungia.

8)
L'art. 5, coma 1 é gnü sostituí insciö dal art. 11, coma 1 dla l.p. di 11 de messé dl 2018, n. 10.

Pert II
Provedimënć singui

Art. 6 (Stipendiums)    delibera sentenza

(1) Ales studëntes y ai studënć ti pol gnì conzedü ann por ann n stipendium sce dlungia les condiziuns preodüdes dal articul 2,

  1. ài arjunt n resultat de stüde positif y
  2. é tla situaziun economica preodüda dal articul 3, coma 3. 9)

(2) I stipendiums vëgn assegnà tres concursc scrić fora dala Junta provinziala.

(3)Tl regolamënt d’esecuziun vëgnel stabilí: 10)

  1. a tan che i stipendiums amunta;
  2. i recuisic d’azes y i criters por valuté les condiziuns de relevanza iuridica; 11)
  3. les desposiziuns por assegné i punć por la gradatöra.

(4)Ales studëntes y ai studënc cun resultac de stüde ezelënc ti pól gní conzedü stipendiums por sü profic particolars. Un di obietifs prinzipai de chisc stipendiums é chël da motivé la studënta o le studënt da jí inant a studié o da se spezialisé y da promöie la frecuentaziun de universités, ince privates, de altiscima cualité. Te chësc caje ne vëgnel nia apliché les desposiziuns por la determinaziun dla situaziun economica. Le stipendium por profic particolars ti corespogn al 20 porcënt dla soma dl stipendium ordinar preodü dal coma 3, lëtra a). Por i stipendiums por profic particolars vëgnel adoré vigni ann academich le trëi porcënt di finanziamënc preodüs por stipendiums. Sce i mesi finanziars a desposiziun ne basta nia por ti dé n stipendium a düc chi che ess le dërt da le ciafé vëgnel metü sö na gradatöra sön la basa dl profit de stüde. 12)

massimeBeschluss vom 27. August 2019, Nr. 717 - Anwendung des Artikels 12 des Dekrets des Landeshauptmannes Nr. 2/2011 für die Abteilung 40 – Bildungsförderung bezüglich der Zuweisung von Studienbeihilfen
massimeBeschluss vom 2. Juli 2019, Nr. 561 - Genehmigung der Verordnung für Studienbeihilfen an Studierende, die universitäre Einrichtungen oder Fochhochschulen besuchen und Widerruf des Beschlusses der Landesregierung 83/2015 (abgeändert mit Beschluss Nr. 661 vom 30.07.2019)
9)
La lëtra b) dl art. 6, coma 1 é gnüda mudada insciö dal art. 5, coma 4 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
10)
L’introduziun dl art. 6, coma 3 é gnüda mudada insciö dal art. 5, coma 5 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
11)
La lëtra b) dl art. 6, coma 3 é gnüda mudada insciö dal art. 5, coma 6 dla l.p. di 7 d’agost dl 2017, n. 12.
12)
L'art. 6, coma 4 é gnü mudé insciö dal art. 5, coma 7 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 7 (Stipendiums straordinars)   delibera sentenza

(1)Ales studëntes y ai studënc che é tla situaziun economica preodüda dal articul 3, coma 3 y che n’á nia arjunt, por rajuns de sanité o d’atres rajuns gravëntes y ezezionales, nia gaujades da colpa, le profit de stüde damané por ciafé le stipendium preodü dal articul 6, ti pól gní conzedü n stipendium straordinar. 13)

(2) Ales studëntes y ai studënć nia maridà, despartis legalmënter o devorzià, cun mituns a ćiaria che, por gauja dl’assistënza, dl guern o dl’educaziun di mituns, n’à nia arjunt le profit de stüde damanè ti pol gnì conzedü i stipendiums preodü dal coma 1. Chisc po ma gnì conzedüs sce tl momënt dla presentaziun dla domanda n’à la möta o le möt nia complì i sis agn y la studënta o le studënt à arjunt n profit de stüde minim.

(2/bis) Desvian dales desposiziuns preodüdes dal articul 2, ti pol gnì conzedü n stipendium straordinar ales studëntes y ai studënć che nen à dassënn debojëgn. 14)

(3)La soma di stipendiums y i criters por valuté les condiziuns de relevanza iuridica vëgn fissá tl regolamënt d’esecuziun por la conzesciun de stipendiums ordinars preodüs dal articul 6. 15)

massimeBeschluss vom 2. Juli 2019, Nr. 561 - Genehmigung der Verordnung für Studienbeihilfen an Studierende, die universitäre Einrichtungen oder Fochhochschulen besuchen und Widerruf des Beschlusses der Landesregierung 83/2015 (abgeändert mit Beschluss Nr. 661 vom 30.07.2019)
13)
L'art. 7, coma 1 é gnü mudé insciö dal art. 5, coma 8 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
14)
L'art. 7, coma 2/bis, é gnü injunté dal art. 7, coma 1, dla l.p. di 14 de merz dl 2008, n. 2.
15)
L'art. 7, coma 3 é gnü mudé insciö dal art. 5, coma 9 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 8 (Retüda dles tasses universitares)  delibera sentenza

(1)Ales studëntes y ai studënc che é iscric ite a n’université tla provinzia de Balsan y che é sön la gradatöra de chi che á le dërt da ciafé n stipendium o s’á cualifiché por ciafé n stipendium, preodü dai articui 6 o 7, ti vëgnel retü la tassa provinziala por le dërt de studié al’université.

(2) Ales studëntes y ai studënc che é sön la gradatöra de chi ch’á le dërt de ciafé o de chi che s’á cualifiché por ciafé n stipendium, preodü dai articui 6 o 7, ti pól gní conzedü n contribut che cür daldöt o en pert les tasses universitares paiades ite.

(3) La Junta provinziala emanëia les diretives sön la basa de chëres che al ganrá fat fora le contribut y les modalités de süa surandada.

(4) La retüda di contribuc universitars pó gní conzedüda a studentës y studënc che frecuentëia n’université cun la sënta ti Paisc determiná dala Junta provinziala.

(5) Por la surandada dl contribut vál debojëgn che al ne ti vëgnes nia retü ales studëntes y ai studënc dötes les tasses universitares da süa université o da d’atri ënc, o che ai ne mësses nia les paié.

(6) Le contribut preodü dal coma 2 ti vëgn dé ince sce les studëntes y i studënc ne mëss nia paié na pert dles tasses universitares o sce al ti é bele gnü retü en pert da sües universités o da d’atri ënc. Te chësc caje vëgn la soma dl contribut determinada aladô dla soma veramënter paiada o la soma che romagn a ciaria dles studëntes y di studënc. 16)

massimeBeschluss vom 3. Juli 2018, Nr. 642 - Richtlinien für die Gewährung von Rückerstattungen der Studiengebühren
16)
L'art. 8 é gnü mudé insciö dal art. 5, coma 10 dla l.p. di 7 d’agost dl 2017, n. 12.

Art. 9 (Stipendiums por teses de diplom, teses de laurea spezialistica, dotorat de inrescida, dissertaziuns y teses ecuiparades y inće por laûrs de inrescida o abilitaziun)  

(1) A studëntes y studënć che mëss surantó spëises straordinares por na tesa de laurea spezialistica o por n dotorat de inrescida pro n’université taliana o por na tesa de diplom tl cheder de n stüde da magister, por na dissertaziun o na tesa ecuiparada y inće por laûrs de inrescida o de abilitaziun pro na université foradecà ti pol gnì conzedü n stipendium. Chësc po ma gnì conzedü un n iade su tratan le stüde y po gnì acumulé cun les atres prestaziuns preodüdes dal articul 1, coma 1.

(2) L’assegnaziun di stipendiums vëgn fata tres concursc scrić fora dala Junta provinziala.

(3)Tl regolamënt d’esecuziun vëgnel stabilí: 17)

  1. a tan che i stipendiums amunta;
  2. i recuisic d’azes y i criters por valuté les condiziuns de relevanza iuridica; 18)
  3. les desposiziuns por assegné i punć por la gradatöra.
17)
L’introduziun dl art. 9, coma 3 é gnüda mudada insciö dal art. 5, coma 11 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
18)
La lëtra b) dl art. 9, coma 3 é gnüda mudada insciö dal art. 5, coma 12 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 10 (Retüda dles spëises de iade)  delibera sentenza

(1)  Ales studëntes y ai studënć preodüs dal articul 2, coma 1, lëtra c) ti pol gnì conzedü na retüda pausciala dles spëises de iade sc’ai se tëgn sö por rajuns de stüde te na manira permanënta tl post de stüde o tles vijinanzes. Chësta retüda, che corespogn al cost de na cherta por tó la ferata de secunda tlassa, po gnì conzedüda tl tëmp de n ann academich por cater iadi da jì y gnì.

(2) La Junta provinziala fej fora la soma minima che po gnì rembursada.

massimeDelibera N. 1626 del 17.05.2005 - Criteri per il rimborso forfetario delle spese di viaggio agli/alle studenti/esse universitarie

Art. 11 (Cuartiers)    delibera sentenza

(1) Tles localitês dla provinzia de Balsan che é sëntes de strotöres universitares po l’aministraziun provinziala mëte a desposiziun poscibilitês abitatives sciöche cuartiers, ćiases por studënć o istituziuns analoghes che vëgn manajades diretamënter dal’aministraziun provinziala o da terzi por studëntes y studënć sciöche inće por les professuries y i professurs a contrat, i visiting professors y por les assistëntes y i assistënć a contrat. La Junta provinziala stabilësc l’afit a ćiaria dles porsones che nen benefiziëia y inće i criters y les modalitês por rové pormez a chëstes poscibilitês abitatives.

(2) La Junta provinziala po stlüje jö convenziuns cun Regiuns o d’atres istituziuns publiches o privates tla Talia o te paîsc dl raiun cultural todësch por resservè n numer adeguè de posć da dormì por studëntes y studënć de Südtirol te strotöres residenziales aposta. Tles convenziuns vëgnel anter l’ater stabilì i criters por rové pormez a chëstes poscibilitês abitatives y inće i cosć por resservè i posć da dormì da pert dl’aministraziun provinziala. L’afit y les spëises secundares é a ćiaria dla studënta o dl studënt che à chësc benefize.

(3) Acioche les strotöres vëgnes adorades deplëgn y cun razionalité po la Junta provinziala ti conzede de rové pro na poscibilité d’abitaziun te chëstes strotöres inće a porsones che n’à aladô de chësta lege nia le dërt de rové ite.

(4) Le post da dormì te na te’strotöra abitativa po gnì acumulé cun les atres prestaziuns preodüdes tl articul 1, coma 1.

(5) Ai ënć y ales assoziaziuns, zënza fins de davagn, che mët a desposiziun posć da dormì preodüs dal coma 1, ti pol gnì conzedü contribuć ćina a na mosöra mascima dl 90 porcënt dles spëises reconesciüdes por:

  1. cumprè frabicać o tòć de grunt;
  2. proietè, fà sö, amplié, sistemé, restrotoré y completè frabicać;
  3. cumprè aredamënć y atrezadöres.

(6) I ënć y les assoziaziuns che ciafa i contribuć preodüs dal coma 5 mëss s’impegné a ne mudé nia la destinaziun d’adoranza di frabicać cun ći che alda laprò, atrezadöres y aredamënt, zënza consëns dla Junta provinziala. La dorada de chësc impëgn, che ne po nia ji sot ai 20 agn mo gnanca sura i 50 agn fora, vëgn stabilida dala Junta provinziala tolon en conscidraziun la mosöra dl contribut conzedü. L’impëgn de ne mudé nia destinaziun d’adoranza vëgn anotè tl liber fondiar.

(7) Sc’al vëgn mudé destinaziun d’adoranza di frabicać y de ći che alda laprò mëssel gnì dè zoruch le contribut cun i fić legai. Sce la strotöra vëgn adorada inant por fins soziai spo vëgn le contribut conzedü smendrì, en raport al tëmp che le frabicat é gnü adorè aladô dla destinaziun dada dant tl coma 1. La desfarënzia, cun i fić legai laprò, mëss gnì dada zoruch.

(8) Desvian dales desposiziuns preodüdes dai comesc 6 y 7 po i bëgns cun lian de destinaziun gnì metüs a desposiziun dla Provinzia sön paiamënt de n’indenisaziun che tëgn cunt di contribuć ciafà.

(9) Por ti garantí le dërt da studié al’université ales studëntes y ai studënc dla provinzia de Balsan tl respet dles carateristiches etnich-linguistiches, ti pó la Provinzia conzede i contribuc preodüs dal coma 5 ince a istituziuns publiches o privates te paisc dl raiun cultural todësch che gestësc diretamënter o tres terzi, convic universitars o istituziuns somiëntes y che mët a desposiziun dantadöt lec a studëntes y studënc dla provinzia de Balsan. Por chësc fin stlüj jö la Provinzia convenziuns aposta cun les istituziuns nominades dessura tl respet dles desposiziuns preodüdes dai comesc 5, 6, 7 y 8. 19)

(10) Por realisé i obietifs preodüs dal coma 9 pó la Provinzia autonoma de Balsan stlü jö convenziuns cun ënc raionai, ince locai, por tó pert ales spëises d’investimënt de sües ciases di studënc, sce:

  1. al vëgn garantí tles ciases di studënc da vire bunmarcé;
  2. al vëgn metü a desposiziun di studënc y dles studëntes dla provinzia de Balsan n gran numer de posć te cuartiers;
  3. ara se trata de comuns cun n marcé dles abitaziuns tla crisa;
  4. le raport danter la partezipaziun ales spëises da pert dla Provinzia y la spëisa complessiva ne vá nia sura le raport danter studënc y studëntes dla provinzia de Balsan y le numer total de studënc y studëntes tla ciasa di studënc. 20)
massimeBeschluss vom 7. August 2018, Nr. 798 - Genehmigung der Richtlinien zur Gewährung von Förderungen für die Führung von Schülerheimen und für Investitionen in Schülerheime, Privatschulen und Studentenheime
massimeBeschluss vom 10. April 2018, Nr. 307 - Richtlinien für die Benutzung der Wohnmöglichkeiten des Landes im Rahmen des Rechtes auf Hochschulbildung
massimeDelibera N. 1148 del 03.04.2006 - Linee guida relative ai parametri tecnici ed economici per la realizzazione di alloggi e di residenze universitarie" in versione corretta
19)
L'art. 11, coma 9 é gnü ajunté dal art. 1, coma 1 dla l.p. di 12 de messé dl 2016, n. 15. Ciara ince l'art. 1, coma 3 dla l.p. di 12 de messé dl 2016, n. 15.
20)
L'art. 11, coma 10 é gnü ajunté dal art. 5, coma 13 dla l.p. di 7 d’agost dl 2017, n. 12.

Art. 12 (Sorvisc de mensa)    delibera sentenza

(1) Le sorvisc de mensa tles localitês universitares dla provinzia de Balsan vëgn manajè dal’aministraziun provinziala. La gestiun ti po inće gnì surandada a terzi.

(2) La Junta provinziala stabilësc i criters y les modalitês por organisé y podëi s’anuzè dl sorvisc de mensa sciöche inće por determiné la partezipaziun ai costimënć da pert dles porsones che se sorvësc dla mensa.

(3) Ai ënć y ales assoziaziuns che manajëia zënza fins de davagn sorvisc de mensa por les studëntes y i studënć preodüs dal coma 1, ti pol gnì conzedü i contribuć preodüs dal articul 11, coma 5.

(4) A ënc y assoziaziuns che gestësc zënza fins de davagn sorvisc de mensa tla provinzia de Balsan a na destanza adatada dales sëntes universitares, ti pól gní conzedü contribuc por le mangé di studënc universitars aladô di criters de sostëgn fissá dala Junta provinziala. 21)

(5) L’aministraziun provinziala pó ti surandé ales universités cun la sënta tl Südtirol döt le sorvisc de mensa aladô dl coma 1 y dötes les ativités coliades impara, sciöche ince le desfiramënt de gares d’apalt por la gestiun dl sorvisc. Les modalités che alda lapró vëgn fissades dala Junta provinziala.  22)

(6) Te caji motivá pól gní stlüt jö por le mangé di studënc y dles studëntes che é scric ite y frecuentëia n’université tl Südtirol convenziuns cun restoranc, sciöche ince gní cumpré o metü a desposiziun bons por mangé sce i locai adorá por la didatica o l'inrescida é bindebó dalunc dales menses universitares. La Junta provinziala inciaria l’université dla gestiun y dl’esecuziun dles gares d’apalt che toca lapó, sciöche ince de dötes les ativités coliades a chëstes prestaziuns y fej fora tan de ressurses mëte a desposiziun por le dormí di studënc y dles studëntes.  23)

massimeBeschluss vom 11. Oktober 2016, Nr. 1079 - Kriterien und Modalitäten für die Förderung der Mensen für Studierende
massimeBeschluss vom 26. Juli 2016, Nr. 832 - Benutzung der Mensen der Autonomen Provinz Bozen im Rahmen des Rechtes auf Hochschulbildung - Abänderung der Richtlinien
21)
L'art. 12, coma 4 é gnü ajunté dal art. 1, coma 2 dla l.p. di 12 de messé dl 2016, n. 15. Ciara ince l'art. 1, coma 3 dla l.p. di 12 de messé dl 2016, n. 15.
22)
L'art. 12, coma 5 é gnü ajunté dal art. 11, coma 2 dla l.p. di 11 de messé dl 2018, n. 10.
23)
L'art. 12, coma 6 é gnü ajunté dal art. 11, coma 2 dla l.p. di 11 de messé dl 2018, n. 10.

Art. 13  (Provedimënc a bëgn de studëntes y studënc cun handicap) 24)   delibera sentenza

(1)Por ti alisiré le dërt da studié ales studëntes y ai studënc cun handicap preodüs dal articul 2 dla l.p. di 14 de messé dl 2015, n. 7, y mudaziuns suandëntes, ti pól gní conzedü chisc alisirimënc: 25)

  1. finanziamënt o retüda dles spëises por n sorvisc d’assistënza y d’acompagnamënt;
  2. finanziamënt o retüda dles spëises liades al trasport;
  3. retüda dles spëises por cumprè mesi didatics;
  4. finanziamënt de d’atri sorvisc adatá por superé i impedimënc dl’educaziun, istruziun y formaziun. 26)

(2) I alisirimënć indicà te chësc articul po gnì acumulà cun les atres prestaziuns preodüdes dal articul 1, coma 1.

massimeBeschluss vom 6. Februar 2018, Nr. 100 - Richtlinien für die Gewährung von Kostenrückvergütungen zu Gunsten Studierender mit Behinderungen
24)
Le titul dl art. 13 é gnüda mudada insciö dal art. 5, coma 14 dla l.p. di 7 d’agost dl 2017, n. 12.
25)
L’introduziun dl art. 13, coma 1 é gnüda mudada insciö dal art. 5, coma 15 dla l.p. di 7 d’agost dl 2017, n. 12.
26)
La lëtra d) dl art. 13, coma 1 é gnüda mudada insciö dal art. 5, coma 16 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 14 (Imprësć)

(1) Ales studëntes y ai studënć che à arjunt i profić de stüde por la conzesciun de stipendiums ordinars preodüs dal articul 6 y che ne va nia sura n davagn mascimal fora, che vëgn stabilì de ann en ann, ti pol gnì conzedü imprësć dai istituć bancars convenzionà cun la Provinzia. L’alisirimënt de chësc coma po gnì acumulé cun i stipendiums preodüs dal articul 6.

(2) La determinaziun dl import di stipendiums preodüs dal articul 6 y di imprësć preodüs da chësc articul à sciöche fin chël de curì les spëises de mantignimënt dles studëntes y di studënć tratan le tëmp de stüde tles universitês desvalies.

(3) Les studëntes y i studënć cun resultać de stüde ezelënć o che stlüj jö sü stüdi anter la dorada legala po gnì esonerà en pert dal paié derevers i imprësć aladô dles modalitês dades dant ti criters d’assegnaziun.

(4) L’imprëst é da paié zoruch, zënza fić, a pié ia dal 13ejim mëis do avëi rové o lascè definitivamënter de studié, mo te vigni caje nia dan avëi metü man da laurè. I scioldi dl imprëst mëss gnì retüs cun rates periodiches te n tëmp mascim de 15 agn; l’amunta de chëstes rates mëss ester proporzionala al debit che é da dè zoruch. La rata anuala de retüda dl imprëst ne po indere nia superè le 15 porcënt dl davagn anual netto dla porsona che à godü dl benefize. Sc’al passa cin agn dal completamënt o dal’interuziun definitiva di stüdi mëss la porsona che à godü dl benefize, che n’à nia ćiamò metü man da laurè, dè te vigni caje derevers l’imprëst y inće i fić legai, ma por ći che reverda la perioda de tëmp da canche ara à stlüt jö o lascè definitivamënter de studié.

(5) Tles convenziuns stlütes jö cun i istituć bancars preodüs dal coma 1 vëgnel danterater inće stabilì:

  1. l’import anual sciöche inće l’import mascimal dl imprëst;
  2. i terminns anter chi ch’al é da paié les rates dl imprëst tignin cunt dl mëteman di cursc y di profić de stüde;
  3. a tan che i fić a ćiaria dla Provinzia amunta;
  4. les garanzies a bëgn di istituć bancars te caji olache l’imprëst ne gniss nia paié zoruch;
  5. les straufunghes a ćiaria dla banca por le paiamënt tardì dles rates dl imprëst.

Art. 15 (Stipendiums por le barat de studëntes y studënć)

(1) En colaboraziun cun l’Université Lëdia da Balsan vëgnel promoiü i barać de studëntes y studënć cun les universitês talianes y da foradecà.

(2) I barać nominà tl coma 1 po gnì finanzià da stipendiums sc’ai s’orientëia ai cursc de stüde frecuentà da studëntes y studënć iscrić al’Université Lëdia da Balsan y sc’ai vëgn reconesciüs por le diplom de laurea. Chisc stipendiums po gnì acumulà cun les atres prestaziuns indicades tl articul 1, coma 1.

(3) Ales studëntes y ai studënć che é ghesć pro l’Université Lëdia da Balsan aladô dl coma 1 ti vëgnel conzedü i sorvisc preodüs dai articui 11 y 12.

Art. 16 (Contribuć a organisaziuns di studënć)  delibera sentenza

(1) Ales organisaziuns di studënć cun sënta tla provinzia de Balsan che rapresentëia i interesc de chi che stüdia al’université ti pol gnì conzedü contribuć por chëstes scomenciadies:

  1. gestiun dla sënta prinzipala dl’organisaziun te Südtirol y dles sëntes periferiches tles localitês de stüde desvalies;
  2. investimënć por le funzionamënt dla sënta prinzipala y dles sëntes periferiches;
  3. ativitês culturales che vëgn organisades pro les sëntes universitares dla Talia o di paîsc dl raiun cultural todësch.
massimeDelibera N. 4396 del 25.11.2002 - Criteri e modalità per l'incentivazione delle organizzazioni studentesche nonché per iniziative culturali

Art. 17 (Sorvisc de informaziun)

(1) Zënza tochè les desposiziuns dades dant tla lege provinziala di 4 de mà dl 1988, n. 15 y mudaziuns suandëntes, pol gnì metü sö a Balsan y pro les sëntes universitares tla Talia o ti paîsc dl raiun cultural todësch che vëgn frecuentades da tröpes studëntes y tröc studënć de Südtirol, sorvisc de informaziun cun la funziun de:

  1. dè informaziuns sura l’azès ales universitês talianes y da foradecà y sura les ofertes de formaziun relatives, sciöche inće sura la mobilité nazionala y internazionala;
  2. colaborè cun les intendënzes competëntes por garantì na informaziun detaiada sön les modalitês por podëi jì a insigné tles scores secundares de pröm y secundo gré;
  3. garantì na informaziun detaiada y sostëgn canch’ara se trata dl reconescimënt di titui academics y profescionai da foradecà.

(2) Le sorvisc vëgn garantì cun so personal o stlujon jö convenziuns aposta cun ënć publics y privać o cun porsones espertes da defora.

(3) L’aministraziun provinziala po organisé tla Talia y ti paîsc dl raiun cultural todësch scomenciadies y manifestaziuns de informaziun por studëntes y studënć, sciöche inće ativitês d’ajornamënt por chi che laôra pro chësc sorvisc y surantó les spëises, cun laprò chëres por le mangé y le dormì. Ara po inće surantó les spëises por cumprè, elaborè y realisé material didatich y informatif, cun laprò hard- y software.

Art. 18 (D’atri intervënć por realisé le dërt de studié al’université)

(1) Cun regolamënt d’esecuziun pol gnì preodü ćiamò d’atres scomenciadies y mosöres por realisé le dërt de studié al’université.

Pert III
Formaziun postuniversitara

Art. 19 (Stipendiums por frecuentè cursc de formaziun postuniversitara, de spezialisaziun o por practicums)

(1)A studëntes y studënc che, tl tëmp de sis agn da canche ai á stlüt jö so stüde,

  1. fej na formaziun postuniversitara o na spezialisaziun che döra almanco trëi mëisc pro n’université o
  2. fej n practicum de formaziun o profescional che döra almanco trëi mëisc pro n’istituziun publica o privata

ti pól gní conzedü n stipendium, a condiziun che les studëntes y i studënc ais stlüt jö so stüde universitar, che ai ais arjunt le profit de stüde damané y che ai sides tla situaziun economica preodüda dal articul 3, coma 3. 27)

(2) I stipendiums vëgn assegnà tres concursc scrić fora dala Junta provinziala.

(3)Tl regolamënt d’esecuziun vëgnel stabilí: 28)

  1. a tan che i stipendiums amunta;
  2. i recuisic d’azes y i criters por valuté les condiziuns de relevanza iuridica; 29)
  3. les desposiziuns por l’assegnaziun di punć por la gradatöra.

(4) I stipendiums ne po nia gnì acumulà cun d’atres mosöres de sostëgn che vëgn conzedüdes da istituziuns o ënć publics o privać che ciafa sovenziuns publiches.

27)
L’art. 9, coma 1 é gnü mudé insciö dal art. 5, coma 17 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
28)
L’introduziun dl art. 19, coma 3 é gnüda mudada insciö dal art. 5, coma 18 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.
29)
La lëtra b) dl art. 19, coma 3 é gnüda mudada insciö dal art. 5, coma 19 dla l.p. di 7 d’agost dl 2017, n. 12. Ciara ince l'art. 5, coma 20 dla l.p. di 7 d’agost dl 2017, n. 12.

Art. 19/bis (Finanziamënt dles strotöres universitares)  delibera sentenza

(1)  La Junta provinziala é autorisada da individuè i areai y da acuisì, inće tres espropriaziun, imobii por fà sö strotöres universitares, aladô dles prozedöres odüdes danfora dala normes provinziales varëntes. Ara é inće autorisada da surantó les spëises por l’afit, la costruziun y l’adatamënt, la manutenziun y l'aredamënt de strotöres universitares y de strotöres de sorvisc tl ćiamp universitar tla provinzia de Balsan, sciöch’inće da ti imprestè a chëstes strotöres bëgns mobii y imobii, cun laprò chi por le sport, le tëmp lëde y por abité, o da conzede finanziamënć aposta.

(2) Implü é la Junta provinziala autorisada da contribuì finanziariamënter ala gestiun dl’Université Lëdia da Balsan o de d’atres strotöres universitares o de inrescida scientifica cun sënta te Südtirol.

(2/bis) La Junta provinziala é autorisada da definì acordanzes programatiches de de plü agn, tl cheder di finanziamënć por la gestiun dl’Université Lëdia de Balsan o de d’atres strotöres universitares o de inrescida scientifica cun sënta te Südtirol; la curida corespognënta vëgn stabilida cun lege finanziara anuala. 30)

(3) La Junta provinziala é autorisada da sostignì scomenciadies, ativitês y proieć che reverda l’ativité didatica y l’inrescida fać da universitês cun sënta tla Talia o te paîsc dl raiun cultural todësch tl interès dla Provinzia. 31)

massimeDelibera N. 4709 del 15.12.2008 - Criteri e modalià per la concessione di agevolazioni economiche ad università, strutture di alta formazione e di ricerca scientifica
30)
L'art. 19/bis, coma 2/bis é gnü injunté dal art. 41, coma 1, dla l.p. di 10 de jügn dl 2008, n. 4.
31)
L'art. 19/bis é gnü injunté dal art. 7, coma 2, dla l.p. di 14 de merz dl 2008, n. 2.

Pert IV
Desposiziuns finales

Art. 20 (Desposiziun finanziara)

(1) Chësta lege ne comporta degönes spëises implü por l’ann finanziar 2004.

(2) Les spëises a ćiaria di agn che à da gnì vëgn stabilides cun lege finanziara anuala.

Art. 21 (Abrogaziun de normes)

(1) Chëstes desposiziuns vëgn abrogades:

  1. la lege provinziala di 8 d’agost dl 1991, n. 23, y mudaziuns suandëntes;
  2. l’articul 4 dla lege provinziala di 11 d’agost dl 1998, n. 9.

Chësta lege gnarà publicada tl Boletin Ofizial dla Regiun. Vignun a chël ch’al ti speta é oblié da la respetè y da la fà respetè sciöche lege dla Provinzia.